16.09.2026 | 13:49
Իրանի հարվածները լուրջ վնաս են հասցրել Մերձավոր Արևելքում ԱՄՆ ռազմաբազաներին․ CBS News-ը բացառիկ լուսանկարներ է հրապարակել
UFC-ի նախագահը հայտնել է՝ ինչու Արման Ծառուկյանը չի ստացել չեմպիոնական մենամարտ
08.12.2025 | 13:24
UFC-ի նախագահ Դանա Ուայթը պարզաբանել է, թե ինչու թեթև քաշային կարգի դասակարգման առաջատար Արման Ծառուկյանը տիտղոսային մենամարտ անցկացնելու հնարավորություն չի ստացել նորզելանդացի Դեն Հուկերի նկատմամբ հաղթանակից հետո։
«Ես Ծառուկյանին չէի համարի «խաղից դուրս մնացած»։ Նա ուներ նման հնարավորություն, և դուք գիտեք, թե ինչով դա ավարտվեց։ Հիմա նա դարձյալ պետք է վաստակի այդ իրավունքը։ Նա պետք է պայքարի չեմպիոնական մենամարտի արժանանալու համար։ Իսկ վարկանիշային աղյուսակն ինձ չի հետաքրքրում»,- Դանա Ուայթի խոսքը մեջբերում է UFC-ի մամուլի ծառայությունը:
Հիշեցնենք, որ այս տարվա հունվարին Արման Ծառուկյանը պետք է չեմպիոնական մենամարտ անցկացներ ռուսաստանցի Իսլամ Մախաչևի հետ, սակայն հրաժարվել էր պայքարից մեջքի վնասվածքի պատճառով։
29-ամյա Ծառուկյանը խառը մենամարտերում անցկացրել է 26 հանդիպում, տարել 23 հաղթանակ ու կրել 3 պարտություն։
