02.04.2026 | 19:46
Մոլդովայի խորհրդարանը հաստատել է ԱՊՀ-ից դուրս գալու օրենքները
Ռուսական ԱԹՍ-ները Սումիի մարզում հարվածել են բնակելի շենքի. վիրավորներ կան․ ՏԵՍԱՆՅՈՒԹ
Քաղաքականություն
08.12.2025 | 12:11
Ուկրաինայի Սումիի մարզի Ախտիրկա քաղաքում ինը հարկանի բնակելի շենք է վնասվել ռուսական անօդաչու թռչող սարքի հարձակման հետևանքով, հայտնել է երկրի արտակարգ իրավիճակների պետական ծառայությունը, գրում է Meduza-ն։
Ռուսական անօդաչու սարքերը քաղաքի վրա հարձակվել են դեկտեմբերի լույս 8-ի գիշերը: Փրկարարների տվյալներով՝ անօդաչու սարքերը հարվածել են բազմահարկ շենքի տանիքին և պատին, ինչի հետևանքով հրդեհ է բռնկվել երկրորդից հինգերորդ հարկերի բնակարաններում:
Սումիի ռազմական վարչակազմի ղեկավար Օլեգ Գրիգորովը հայտնել է յոթ վիրավորի մասին։ Երկուսը դեռևս հիվանդանոցում են։
Պետական արտակարգ իրավիճակների ծառայությունը նշել է, որ շենքում փրկարարական աշխատանքները ստիպված են եղել ընդհատել հետագա հարձակումների սպառնալիքի պատճառով։
Չեռնիգովում էլ ռուսական անօդաչու թռչող սարք է պայթել բազմահարկ շենքի մոտ, հայտնել է մարզային վարչակազմի ղեկավար Դմիտրի Բրիժինսկին։ Պայթյունի ալիքը կոտրել է պատուհաններ և դռներ, վնասել մեքենաները։ Երկու մարդ վիրավորվել է։
Թարգմանությունը՝ Էմմա Չոբանյանի
