10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Նիկոլ Փաշինյանը Յոթ Վերքում է․ եկեղեցում են արքեպիսկոպոսներ Կճոյանը, Միրզախանյանն ու Ադամյանը, եպիսկոպոս Սարոյանը
Քաղաքականություն
07.12.2025 | 11:26
Վարչապետ Նիկոլ Փաշինյանը և բարձրաստիճան այլ պաշտոնյաներ, պատգամավորներ Գյումրիի Յոթ Վերք եկեղեցում պատարագի են մասնակցում։
Եկեղեցում են նաև Արարատյան Հայրապետական թեմի առաջնորդական փոխանորդ Տեր Նավասարդ արքեպիսկոպոս Կճոյանը, Բալթյան երկրների հայոց թեմի առաջնորդ Վազգեն արքեպիսկոպոս Միրզախանյանը, Արմավիրի թեմի առաջնորդ Սիոն արքեպիսկոպոս Ադամյանը և Մասյացոտնի թեմի առաջնորդ Գևորգ եպիսկոպոս Սարոյանը։ Պատարագը մատուցում է Արմավիրի թեմից Տեր Մկրտիչ քահանա Մուշադյանը։
Դեկտեմբերի 6-ին եկեղեցու դռները երեկոյան ժամերգությունից հետո կապարակնքվել էին` Փաշինյանի մասնակցությամբ տեղի ունենալիք պատարագից առաջ։ Այժմ էլ եկեղեցու մուտքերից մեկը հսկում են ՊՊԾ ծառայողները. ներս մտնելն արգելված է։
Մինչ Փաշինյանը Յոթ Վերքում է, Շիրակի թեմի քահանաները պատարագի են Սուրբ Ամենափրկիչ եկեղեցում։
Ավելի վաղ թեմի հոգևորականները հայտարարություն էին տարածել ու իրենց հավատարմությունը հայտնել Գարեգին Բ Կաթողիկոսին, նշել էին, որ հիշատակելու են հայրապետի և թեմակալ առաջնորդ Տ. Միքայել արքեպիսկոպոս Աջապահյանի անունները․ «Յոթ Վերքը հաղթահարել է թուրքական երկու օկուպացիա, սա՛ էլ կհաղթահարվի պատվով»:
Եվգենյա Համբարձումյան
