19.08.2026 | 10:49
Սուրեն Պապիկյանը ՊՆ զորամասերում անակնկալ ստուգայցեր է իրականացնում
Հայտնաբերվել է Արմավիրի մարզում 42-ամյա կնոջը կյանքից զրկած տղամարդը
05.12.2025 | 14:04
ՀՀ ՆԳՆ ոստիկանությունը բացահայտել է 42-ամյա Արմինե Մկրտումյանի սպանությունը։ Նրա անհետ կորելու մասին հաղորդվել էր դեկտեմբերի 1-ին։ Դեկտեմբերի 3-ին Վաղարշապատի համայնքային ոստիկանները Գրիբոյեդով բնակավայրի դաշտամիջյան հատվածում դի էին հայտնաբերել։ Այս մասին տեղեկացնում են ՆԳՆ ոստիկանությունից։
«Դեկտեմբերի 4-ին Մեծամոր քաղաքում հայտնաբերվել, սպանություն կատարելու կասկածանքով ձերբակալվել և Վաղարշապատի բաժին է տեղափոխվել Արմավիր գյուղի 35-ամյա բնակիչը, որը խոստովանել է, որ ինքն է սպանել է 42-ամյա կնոջը։ Նա և կազմված փաստաթղթերը ներկայացվել են նախաքննական մարմին․ նախաքննությունը շարունակվում է»,- ասված է ՆԳՆ ոստիկանության հաղորդագրության մեջ:
Հիշեցնենք, որ դեկտեմբերի 3-ին Արմավիրի մարզի ջրատարներից մեկում հայտնաբերվել էր որպես անհետ կորած որոնվող 42-ամյա Արմինե Մկրտումյանի դին։ Նրա մարմինը հայտնաբերվել է Խորունք և Գրիբոյեդով համայնքների միջև ընկած դաշտամիջյան հատվածում՝ ջրատարում՝ մարմնական վնասվածքներով:
