11.09.2026 | 14:45
Իմ սիրելի գործընկերը օլիգարխ դառնալու հավակնություն ուներ. Փաշինյանը` Հայկ Սարգսյանի մասին․ ՏԵՍԱՆՅՈւԹ
Լեբրոն Ջեյմսի ռեկորդային շարքն ավարտվել է 1297 խաղ հետո․ ՏԵՍԱՆՅՈՒԹ
05.12.2025 | 13:17
«Լոս Անջելես Լեյքերսի» առաջատար Լեբրոն Ջեյմսը 2007թ․ հունվարից հետո առաջին անգամ չի կարողացել առնվազն 10 միավոր վաստակել Բասկետբոլի ազգային ասոցիացիայի (NBA) խաղում։
NBA-ի կանոնավոր առաջնության հերթական տուրում լոսանջելեսցիները 123:120 հաշվով հաղթել են «Տորոնտո Ռեպտորսին»։ 40-ամյա ամերիկացին խաղահրապարակում անցկացրել է 36 րոպե, վաստակել 8 միավոր, գրանցել 11 արդյունավետ փոխանցում ու 6 ռեբաունդ։
NBA-ի նախորդ 1297 հանդիպումներում անընդմեջ Լեբրոն Ջեյմսը կարողացել էր վաստակել առնվազն 10 միավոր՝ գրանցելով անհավանական ռեկորդ, հաղորդում է ESPN-ը։
«Տորոնտոյի» դեմ խաղում Ջեյմսը վերջին վայրկյաններին գրոհի եզրափակիչ փուլում ասիստ է կատարել ճապոնացի Ռույ Հատիմուային, որը 3 միավորանոց նետումով հաղթանակ է պարգևել «Լեյքերսին»։
Հիշեցնենք, որ ընթացիկ մրցաշրջանը ռեկորդային է Լեբրոն Ջեյմսի կարիերայում։ Նա պատմության մեջ առաջին բասկետբոլիստն է, որը մասնակցել է NBA-ի 23 մրցաշրջանի։
