06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Միացյալ Թագավորության պաշտպանության հարցերով պետնախարարն այցելել է Հայաստան
Քաղաքականություն
05.12.2025 | 12:46
ՀՀ-ում Մեծ Բրիտանիայի դեսպանությունից հայտնում են, որ Միացյալ Թագավորության պաշտպանության հարցերով պետնախարար Վերնոն Քոքերն այցելել է Երևան՝ բացելու Հայաստանում բրիտանական առաջին մշտական Պաշտպանության բաժինը։
«Շարունակելով նախարար Դաութիի օգոստոսյան այցը, որի ընթացքում հայտարարվեց Միացյալ Թագավորություն-Հայաստան հարաբերությունները Ռազմավարական գործընկերության մակարդակի բարձրացնելու մտադրության մասին, ՄԹ պաշտպանության հարցերով պետնախարար Վերնոն Քոքերն այսօր Երևանում է՝ բացելու Հայաստանում առաջին մշտական Պաշտպանության բաժինը: Sա վերահաստատում է ՄԹ-ի երկարաժամկետ հանձնառությունը Հայաստանի անվտանգության և ինքնիշխանության նկատմամբ»,-ասված է հաղորդագրության մեջ։
Նշենք, որ ՀՀ-ում Բրիտանիայի դեսպանությունը դեկտեմբերի 4-ին հայտարարություն էր տարածել, որ Լոնդոնը մայոր Թոմաս Շորլանդ Բոլին նշանակել է Հայաստանում բրիտանական առաջին ռեզիդենտ պաշտպանական կցորդի պաշտոնում։
