29.07.2026 | 11:39
Թրամփը հայտարարել է, որ Զելենսկիի հետ հանդիպումը «շատ լավ» է անցել
«Հանրապետական» ստադիոնի հյուրերի սեկտորի պատնեշները վերանորոգվել են․ ՏԵՍԱՆՅՈՒԹ
05.12.2025 | 11:44
Վազգեն Սարգսյանի անվան «Հանրապետական» ստադիոնի հյուր թիմի երկրպագուների համար նախատեսված սեկտորի պատնեշները փոխվել են, հաղորդում է «Նոայի» մամուլի ծառայությունը։
«Մեր թիմի նախագահ Վարդգես Վարդանյանի որոշմամբ անհատույց վերանորոգվել են «Հանրապետական» մարզադաշտի հյուր թիմի երկրպագուների սեկտորի պատնեշները, որպեսզի կանխվեն երկրպագուների բախումները Հայաստանում անցկացվող միջազգային հանդիպումների ժամանակ»,- նշված է ակումբի հաղորդագրությունում։
Հայաստանի չեմպիոն ու գավաթակիր «Նոան» պատրաստվում է լեհական «Լեգիայի» դեմ Կոնֆերենցիաների լիգայի 5-րդ տուրի հանդիպմանը, որը կկայանա դեկտեմբերի 11-ին «Հանրապետական» ստադիոնում ու կմեկնարկի ժամը 21։45-ին։ 4 խաղից հետո երևանյան ակումբն ունի 5 միավոր և 23-րդ տեղում է։ Կոնֆերենցիաների լիգայում փլեյ-օֆֆի ուղեգիր են նվաճում 1-24-րդ տեղ գրաված թիմերը։
