27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
ԱԱ․ 3 հայ բռնցքամարտիկ անցել է հաջորդ փուլ
05.12.2025 | 11:18
Բռնցքամարտի Հայաստանի հավաքականը սկսել է պայքարը Դուբայում մեկնարկած աշխարհի առաջնությունում։
71 կգ քաշային Արարատ Հարությունյանը մեկնարկային մենամարտում շատ վստահ առավելության է հասել Ինդոնեզիայի ներկայացուցիչ Ալֆինո Ցեզարի նկատմամբ։ Հայ բռնցքամարտիկը 3-րդ ռաունդում նույնիսկ նոկդաունի է ենթարկել մրցակցին։
1/8 եզրափակիչի ուղեգիր են նվաճել նաև Վախթանգ Հարությունյանը (75 կգ) և Նարեկ Մանասյանը (92 կգ), որոնց մրցակիցները ձախողել են կշռման արարողությունը և չեն մենամարտել։
Դեկտեմբերի 5-ին ռինգ դուրս կգա 3 հայ բռնցքամարտիկ՝ Հովհաննես Բաչկովը (67 կգ), Արմեն Մաշակարյանը (67 կգ) և Արտուշ Հովհաննիսյանը (80 կգ)։
Հայաստանի հավաքականի կազմում մրցավայր են մեկնել նաև Բարեղամ Հարությունյանը (48 կգ), Ռուդոլֆ Գարբոյանը (51 կգ), Դավիթ Եգորյանը (54 կգ), Ժիրայր Սարգսյանը (57 կգ), Արթուր Բազեյանը (60 կգ), Նարեկ Հովհաննիսյանը (63,5 կգ), Ռաֆայել Հովհաննիսյանը (86 կգ) և Դավիթ Չալոյանը (+92 կգ)։ Աշխարհի առաջնությունը կավարտվի դեկտեմբերի 13-ին, 13 քաշային կարգում մասնակցում է 108 երկրի 428 բռնցքամարտիկ։ Մրցանակային հիմնադրամը ռեկորդային 8 միլիոն դոլար է։ Աշխարհի չեմպիոնները կստանան 300 հազար դոլար, փոխչեմպիոնները՝ 150 հազար, բրոնզե մեդալակիրները՝ 75 հազար, իսկ 5-րդ տեղ գրաված բռնցքամարտիկները՝ 10 հազար։
