30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Հայաստանի և Վրաստանի ԱԳ նախարարները մտքեր են փոխանակել տարածաշրջանային համագործակցության նախաձեռնությունների շուրջ
Քաղաքականություն
04.12.2025 | 21:00
ԵԱՀԿ նախարարական համաժողովի ընթացքում ՀՀ ԱԳ նախարար Արարատ Միրզոյանը Վրաստանի ԱԳ նախարար Մակա Բոճորիշվիլիի հետ քննարկել է երկկողմ օրակարգային հարցերը, գործարար ու տրանսպորտային կապերի խթանման ուղղությամբ քայլերը, ինչպես նաև տարածաշրջանային համագործակցության հնարավորությունները, ներառյալ եռակողմ ձևաչափով նախաձեռնությունները: Այս մասին տեղեկացնում են ՀՀ ԱԳՆ-ից:
«Ի շարունակություն նոյեմբերին Թբիլիսիում ունեցած քննարկումների՝ զրուցակիցներն անդրադարձ են կատարել երկկողմ օրակարգային հարցերի։
Ի թիվս փոխադարձ հետաքրքրություն ներկայացնող այլ ուղղղություններով իրականացվող քայլերի՝ կարևորվել են գործարար կապերի խրախուսմանն առնչվող հետևողական աշխատանքները՝ միտված տրանսպորտային ու տնտեսական ակտիվ հաղորդակցության ապահովմանը:
Արարատ Միրզոյանը և Մակա Բոճորիշվիլին մտքեր են փոխանակել տարածաշրջանային համագործակցության նախաձեռնությունների շուրջ, այդ թվում՝ եռակողմ ձևաչափով»,- ասված է հաղորդագրությունում:
