27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
«Ո՞ւմ հետ ես վիճում»․ UFC-ի նախկին չեմպիոնը՝ Արման Ծառուկյանին
04.12.2025 | 17:50
UFC-ի նախկին չեմպիոն, ամերիկացի մարտիկ Էդի Ալվարեսը կարծիք է հայտնել Արման Ծառուկյանի շուրջ ստեղծված իրավիճակի մասին։ UFC-ի թեթև քաշային կարգի դասակարգման առաջատար Ծառուկյանը նորզելանդացի Դեն Հուկերի նկատմամբ հաղթանակից հետո չէր ստացել չեմպիոնական մենամարտ անցկացնելու հնարավորություն։ Փոխարենը UFC-ն հունվարին ժամանակավոր չեմպիոնի տիտղոսի համար մենամարտ էր նշանակել ամերիկացի Ջասթին Գեյջիի ու բրիտանացի Փեդի Փիմբլեթի միջև։ Գեյջիի ու Փիմբլեթի մենամարտի հաղթողն էլ հանդիպելու է UFC-ի թեթև քաշային կարգի գործող չեմպիոն Իլյա Տոպուրիայի հետ, որը հայտարարել է, որ մինչև գարուն չի մենամարտելու ընտանեկան խնդիրների պատճառով։
«Արմանը հաղթել է Բենիել Դարիուշին, Չարլզ Օլիվեյրային, Դեն Հուկերին ու Յոել Ալվարեսին։ Սակայն, ամեն դեպքում, դրանք այն մրցակիցները չեն, որոնք ունեցել են Օլիվեյրան, Գեյջին ու թեթև քաշային կարգի մյուս տղաները։ Եվ պետք է համեմատել, թե ինչպես է մրցակիցներին հաղթում Գեյջին ու ինչպես է մենամարտերը պարզապես ավարտում Ծառուկյանը։ Ո՞ւ հետ ես ընդհանրապես վիճում, Արման»,- Էդի Ալվարեսի խոսքը մեջբերում է MMA Junkie-ն։
29-ամյա Ծառուկյանը խառը մենամարտերում անցկացրել է 26 հանդիպում, տարել 23 հաղթանակ ու կրել 3 պարտություն։
