13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Ամենահայտնի մարզական զույգերից մեկը կբաժանվի
04.12.2025 | 15:55
Աշխարհի նախկին առաջին ռակետ Անա Իվանովիչն ու Գերմանիայի հավաքականի կազմում ֆուտբոլի աշխարհի չեմպիոն Բաստիան Շվայնշտայգերը կբաժանվեն։ Սերբ նախկին թենիսիստուհին ամուսնալուծության դիմում է ներկայացրել, հաղորդում է Bild-ը։
Իվանովիչն ու Շվայնշտայգերը միասին էին շուրջ 9 տարի, նրանց հարսանիքը կայացել էր 2016թ․ հուլիսին։ Նրանք ունեն 3 որդի՝ Լուկան, Լեոն և Թեոն։ Լուրեր են շրջանառվում, որ Իվանովիչը որոշել է բաժանվել ամուսնու կողմից դավաճանությունից հետո։
Բաստիան Շվայնշտայգերն ակումբային կարիերայում խաղացել է Մյունխենի «Բավարիայում», անգլիական «Մանչեսթեր Յունայթեդում» ու ամերիկյան «Չիկագո Ֆայրում», իսկ 2019-ին հրաժեշտ է տվել ֆուտբոլին։ Գերմանիայի հավաքականում կիսապաշտպանը հանդես է եկել 2004-2016թթ․, 2014-ին դարձել է աշխարհի չեմպիոն։
Անա Իվանովիչը կարիերայի ընթացքում նվաճել է 15 տիտղոս։ 2008-ին նա դարձել է «Ռոլան Գարոսի» հաղթող։ Թենիսիստի կարիերան Իվանովիչն ավարտել է 2016թ․ դեկտեմբերին։
