Տիգրան Ավինյանը Պոլիտեխնիկի հոգաբարձուների խորհրդի կազմում չի լինի․ ովքե՞ր են ընդգրկվել խորհրդում

Վարչապետ Նիկոլ Փաշինյանն այսօր՝ դեկտեմբերի 4-ին, որոշում է ստորագրել և հաստատել Հայաստանի ազգային պոլիտեխնիկական համալսարանի հոգաբարձուների խորհրդի կազմը։ Այն էական փոփոխությունների է ենթարկվել։

Երևանի քաղաքապետ Տիգրան Ավինյանը նոր կազմում այլևս չկա։ Նա զբաղեցնում էր խորհրդի նախագահի պաշտոնը։ Նշենք, որ խորհրդում ընդգրկելու համար առաջադրումներ են լինում հիմնադրի, լիազոր մարմնի անունից, պրոֆեսորադասախոսական կազմից և ուսանողության կողմից։

Հիմնադրի կողմից, նախկին 4-ի փոխարեն, 5 անդամ է առաջադրվել։ Նրանք են՝

Արայիկ Հարությունյան – ՀՀ վարչապետի աշխատակազմի ղեկավար,
Ռուբեն Սիմոնյան – ՀՀ բարձր տեխնոլոգիական արդյունաբերության նախարարի տեղակալ,
Արթուր Մարտիրոսյան – ՀՀ կրթության, գիտության, մշակույթի և սպորտի նախարարի տեղակալ,
Խաչատուր Խաչիկյան – ՀՀ միջուկային անվտանգության կարգավորման կոմիտեի նախագահի առաջին տեղակալ,
Կարեն Ղարիբյան – ՀՀ կրթության, գիտության, մշակույթի և սպորտի նախարարության բարձրագույն կրթության և գիտության կոմիտեի գլխավոր քարտուղարի տեղակալ։

Լիազոր մարմնի կողմից, նախկին 4-ի փոխարեն, 5 անձ է առաջադրվել։ Նշենք, որ նախկինում Տիգրան Ավինյանը հենց լիազոր մարնի կողմից էր առաջադրվել։

Լիազոր մարմնի կողմից նոր կազմում ընդգրկվել են՝

Ալեքսանդր Եսայան – «Տելեկոմ Արմենիա» ՓԲԸ-ի տնօրենների խորհրդի նախագահ, Առաջատար տեխնոլոգիաների ձեռնարկությունների միության նախագահ,
Արմեն Ստեփանյան – Զանգեզուրի պղնձամոլիբդենային կոմբինատի կայուն զարգացման գծով տնօրեն, ԶՊՄԿ բարեգործական հիմնադրամի տնօրեն,
Հովհաննես Վահրամյան – «Վեստա» ընկերության գլխավոր տնօրեն,
Յուրի Աֆրիկյան – «Վեգա» խանութ-սրահների ցանցի հիմնադիր և գլխավոր տնօրեն,
Մեսրոպ Հակոբյան – «Յունիբանկ» ԲԲԸ-ի վարչության նախագահ։

Եվգենյա Համբարձումյան