30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Անթույլատրելի է, որ պայմանագրային զինծառայողը ստանա ավելի ցածր աշխատավարձ, քան պարեկը․ Գրիգորյան․ ՏԵՍԱՆՅՈՒԹ
Հասարակություն
04.12.2025 | 11:50
ԱԺ-ում քննարկվում է պարտադիր ժամկետային զինվորական ծառայության ժամկետը 24-ից 18 ամիս դարձնելու մասին օրինագիծը։ Մտքերի փոխանակման ժամանակ «Հայաստան» խմբակցության պատգամավոր Աննա Գրիգորյանը նշեց, որ պայմանագրային զինծառայողների բազային աշխատավարձը պետք է բարձրացվի։
«Եթե պրոֆեսիոնալ բանակ պետք է ձևավորվի, այն պետք է ձևավորվի պայմանագրային զինծառայողների միջոցով։ Հիմա դուք ինձ ասեք՝ ի՞նչ գրավիչ պայմաններ եք ստեղծել, այդ թվում նաև աշխատավարձի տեսանկյունից, որ Հայաստանի Հանրապետության քաղաքացին որոշում կայացնի, գնա, պայմանագիր կնքի և պայմանագրային զինծառայող աշխատի։ Կարծում եմ՝ տեղին համեմատություն է պարեկի և սահմանին կանգնած պայմանագրային զինծառայողի միջև։ Պարո՛ն Պապիկյան, անթույլատրելի է, որպեսզի պայմանագրային զինծառայողը ստանա ավելի ցածր աշխատավարձ, քան պարեկը»,- նշեց նա։
Մանրամասները՝ տեսանյութում։
Եվգենյա Համբարձումյան
