14.09.2026 | 21:13
Oգոստոսի կլիմայական պայմանները Հայաստանում
Անարդարություն չկա․ Պապիկյանը՝ ծառայության ժամկետի կրճատման մասին․ ՏԵՍԱՆՅՈՒԹ
04.12.2025 | 10:39
Արդեն իսկ ընդունել ենք օրենսդրական փոփոխություն, որով սահմանվում է արձակուրդի նոր կարգ զինծառայողների համար։ Այս մասին խորհրդարանում պարտադիր զինվորական ծառայության ժամկետը կրճատելու օրինագծի քննարկման ընթացքում հայտարարեց պաշտպանության նախարար Սուրեն Պապիկյանը։
«Թիկունքային զորամասերում ծառայողների համար այն կկազմի 21 օր, իսկ սահմանային ծառայություն իրականացնողների համար՝ 30 օր»,- նշեց նա։
Ըստ Պապիկյանի՝ 18-ամսյա ծառայության ժամկետն ուժի մեջ մտնելուց հետո կարիք կլինի որոշակի փոփոխություններ կատարել, քանի որ նախորդ որոշումն ընդունվել էր երկու տարվա ծառայության համար։ Յուրաքանչյուր վեց ամիս ծառայության ընթացքում զինծառայողը կարող էր ստանալ 7 կամ 10 օր արձակուրդ։
Պատգամավոր Դավիթ Դանիելյանը հետաքրքրվեց․ «Արդյո՞ք սա անարդար չէ, քանի որ նոր զորակոչիկները կծառայեն ավելի քիչ, բայց նրանց հետ միաժամանակ կզորացրվեն»։
Պապիկյանը չհամաձայնեց։ Ըստ նրա՝ օրենքն ուժի մեջ կմտնի և կտարածվի նոր զորակոչի վրա։
«Եթե օրենքն ընդունվեր հունիսի 1-ին, գուցե, դա անարդար լիներ։ Սակայն այս փոփոխությունը վերաբերում է ապագա զինծառայողներին»,- հավելեց նախարարը։
Մանրամասները՝ տեսանյութում։
Եվգենյա Համբարձումյան
