25.12.2025 | 21:44
Օտարերկրյա հեռուստառադիոծրագրերում ՀՀ ներքաղաքական կյանքին միջամտող բովանդակության տարածումը կարգելվի օրենքով
ԱԳ փոխնախարարը Բրյուսելում ներկայացրել է Հայաստան–ԵՄ գործընկերության նոր ռազմավարական օրակարգը
Քաղաքականություն
03.12.2025 | 21:55
Բրյուսելում կայացած Արևելյան գործընկերության Քաղաքացիական հասարակության ֆորումի գագաթնաժողովում ԱԳ նախարարի տեղակալ Վահան Կոստանյանը ներկայացրել է Հայաստան–ԵՄ հարաբերությունների զարգացման նոր ռազմավարական ուղղությունները՝ ընդգծելով անվտանգության, կիբերանվտանգության և տնտեսության ոլորտներում համագործակցության ընդլայնումը, ինչպես նաև տարածաշրջանային փոխկապակցվածության և Արևելյան գործընկերության ապագա քաղաքականության կարևորությունը։ Այս մասին տեղեկացնում են ՀՀ ԱԳՆ-ից։
«Իր խոսքում ՀՀ ԱԳ նախարարի տեղակալն անդրադարձ է կատարել Հայաստան-ԵՄ հարաբերությունների զարգացմանը՝ ներկայացնելով «Հայաստան-ԵՄ գործընկերության ռազմավարական օրակարգ» փաստաթուղթը: Վահան Կոստանյանը նշել է, որ նոր փաստաթուղթը սահմանում է ՀՀ-ԵՄ գործընկերության նոր և հավակնոտ նպատակներ, այդ թվում՝ անվտանգության, կիբերանվտանգության և տնտեսական ոլորտներում:
ՀՀ ԱԳ նախարարի տեղակալն ընդգծել է քաղաքական և աշխարհագրական փոփոխությունները, որոնք տեղի են ունենում ԵՄ արևելյան հարևանության շրջանակներում և ԵՄ արևելյան քաղաքականության մեջ, անդրադարձ է կատարել Կենտրոնական Ասիայի երկրների հետ փոխգործակցությանը, փոխկապակցվածության և տնտեսական համագործակցության կարևորությանը:
Անդրադառնալով ԵՄ Սևծովյան տարածաշրջանի նոր ռազմավարությանը՝ Վահան Կոստանյանը նշել է, որ 2027թ. հետո համագործակցության շարժիչ ուժը հանդիսանալու է տնտեսական հենասյունը, միաժամանակ շեշտելով ԱլԳ արժեքները՝ օրենքի գերակայությունը, մարդու իրավունքների պաշտպանությունը և ժողովրդավարությունը՝ դրանք համարելով տնտեսական և փոխկապակցվածության նախաձեռնությունների արդյունավետ իրականացման կարևոր բաղադրիչներ»,- ասված է հաղորդագրության մեջ:
