18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Վիրջինիայում ալկոհոլային խմիչքների խանութում անգիտակից վիճակում հարբած ջրարջ են գտել
Քաղաքականություն
03.12.2025 | 22:33
Ամերիկյան Վիրջինիայի ալկոհոլային խմիչքների խանութի աշխատակիցները, աշխատանքի գալով, հայտնաբերել են, որ խանութ է ներխուժել հարբած ջրարջ, գրում է BBC-ն։
«Դիմակավորված ավազակին» գտել են անգիտակից վիճակում՝ զուգարանակոնքի և աղբամանի միջև։ Կենդանիների վերահսկողության աշխատակից Սամանտա Մարտինը «կասկածյալին» տարել է Հանովեր շրջանի կենդանիների վերահսկողության կենտրոն՝ «հարցաքննության»։
Մի քանի ժամ քնելուց և վնասվածքի որևէ նշան չցուցաբերելուց հետո կենդանին անվտանգ կերպով վերադարձվել է վայրի բնություն։
Ashland ABC խանութը փակ է է եղել Գոհաբանության օրվա կապակցությամբ, երբ տեղի է ունեցել «սև ուրբաթի» «կողոպուտը»։ Աշխատակիցները հատակին հայտնաբերել են ալկոհոլային խմիչքների կոտրված շշեր, այդ թվում՝ նրա ակնհայտորեն սիրելի խմիչքը՝ շոտլանդական վիսկի։
Պահպանվել է միայն մեկ տեսանյութ․ տեսահսկման խցիկը ֆիքսում է կողոպուտի պահը՝ անհայտ դարձնելով, թե որքան ալկոհոլ է օգտագործել ծարավ կենդանին զուգարանում ուշաթափվելուց առաջ։
Թարգմանությունը՝ Էմմա Չոբանյանի
