29.06.2026 | 21:27
Պուտինի սուրպերզբոսանավը 2022թ․ ի վեր առաջին անգամ հայտնվել է ռադարների էկրանին․ այն նկատել են Դանիայի ափերի մոտ
Ունենք կարմիր գծեր ապաօկուպացման հարցում, այն որևէ փոխզիջման ենթակա չէ. Կոբախիձեն` ՌԴ-ին
Քաղաքականություն
03.12.2025 | 19:23
Մեզ համար գլխավորն այն է, որ մենք ունենք մեր սկզբունքային դիրքորոշումը և ունենք մեր կարմիր գծերը, որոնք, իհարկե, կապված են ապաօկուպացման հարցի հետ։ Այս մասին հայտարարել է Վրաստանի վարչապետ Իրակլի Կոբախիձեն՝ պատասխանելով Ռուսաստանի արտաքին գործերի նախարարության՝ ռուս-վրացական երկխոսության վերաբերյալ հայտարարության վերաբերյալ հարցին, գրում է վրացական Առաջին ալիքը։
Կոբախիձեի խոսքով՝ ապաօկուպացիան իր ղեկավարած կառավարության համար կարմիր գիծ է, որը վերանայման ենթակա չէ։
«Սա մեզ համար կարմիր գիծ է։ Իհարկե, այս հարցը որևէ փոխզիջման ենթակա չէ։ Ապաօկուպացիան կարմիր գիծ է, որը մենք չենք վերանայելու»,- ասել է Իրակլի Կոբախիձեն։
Ռուսաստանի արտաքին գործերի նախարարությունը հայտարարել էր, որ Մոսկվան պատրաստ չէ վերսկսել քաղաքական երկխոսությունը Թբիլիսիի հետ՝ Վրաստանի պայմաններով։ Նրանք նաև նշել են, որ «Ռուսաստանի որոշումը՝ ճանաչելու Աբխազիայի և Հարավային Օսիայի պետականությունը, անշրջելի է»։
Թարգմանությունը՝ Էմմա Չոբանյանի
