09.06.2026 | 11:58
Քննարկվում են վերահաշվարկի դիմումները․ ՈՒՂԻՂ
Կակտիվացնենք աշխատանքը՝ աջակցելու ՀՀ-ի և Ադրբեջանի միջև խաղաղության համաձայնագրին. Կոսը հանդիպել է Ֆիդանին
03.12.2025 | 15:10
Թուրքիան Հարավային Կովկասի, Միջերկրածովյան և Սևծովյան տարածաշրջանների կայունության առանցքային գործընկեր է։ Այս մասին X-ի իր միկրոբլոգում գրել է ԵՄ ընդլայնման հարցերով հանձնակատար Մարթա Կոսը Թուրքիայի ԱԳ նախարար Հաքան Ֆիդանի հետ հանդիպման վերաբերյալ։
«Արտաքին գործերի նախարար Հաքան Ֆիդանի հետ մենք շարունակում ենք ԵՄ-Թուրքիա հարաբերությունների վերաբերյալ մեր դրական օրակարգը։ Մենք կակտիվացնենք աշխատանքը՝ աջակցելու Հայաստանի և Ադրբեջանի միջև խաղաղության համաձայնագրին»,- նշել է Կոսը։
Հավելենք, որ Ֆիդանը Բրյուսելում է ՆԱՏՕ-ի երկրների արտաքին գործերի նախարարների գագաթնաժողովի շրջանակում։
Թուրքիայի ԱԳՆ-ն տեղեկացնում է, որ նա հանդիպում է ունեցել նաև ՆԱՏՕ-ի գլխավոր քարտուղար Մարկ Ռյուտեի հետ։
Թարգմանությունը՝ Էմմա Չոբանյանի
