01.05.2026 | 19:30
ԵՄ գագաթնաժողովի՝ ՀՀ-ում անցկացնելու որոշումը 1 տարի առաջ է կայացվել, ընտրությունների հետ կապելն անլուրջ է․ Դավոյան․ ՏԵՍԱՆՅՈՒԹ
Ռուսական Stoptime խումբը Երևանում է. երաժիշտները ՌԴ-ն լքել են «օտարերկրյա գործակալների» երգերը կատարելու համար ձերբակալություններից հետո
Քաղաքականություն
03.12.2025 | 13:24
Ռուսական «Stoptime» («Стоптайм») խմբի վոկալիստ Դիանա Լոգինովան (Նաոկո) և կիթառահար Ալեքսանդր Օրլովը ելույթ են ունեցել Երևանի կենտրոնում, հաղորդում է Սանկտ Պետերբուրգում գործող MR7-ը՝ հղում անելով ականատեսներին, փոխնացում է Meduza-ն։
Լրագրողները հրապարակել են Նաոկոյի և Օրլովի ելույթի տեսանյութի սքրինշոթը։
«Նրանք նվագել են Հյուսիսային պողոտայում, որը փողոցային երաժիշտների սիրելի վայրն է։ Նրանց երգացանկը շատ չի փոխվել. Նաոկոն երգել է օտարերկրյա գործակալների երգեր»,- գրում է MR7-ը։
«Stoptime» խմբի երաժիշտներ Դիանա Լոգինովան, Ալեքսանդր Օրլովը և Վլադիսլավ Լեոնտևը Սանկտ Պետերբուրգի փողոցներում կատարել են նաև Ռուսաստանում «օտարերկրյա գործակալներ» ճանաչված երաժիշտների երգերը։ Հոկտեմբերին խմբի անդամները ձերբակալվել և վարչական կալանքի են ենթարկվել՝ հանրային վայրում քաղաքացիների զանգվածային հավաք կազմակերպելու մեղադրանքով։ Երաժիշտները կալանքի տակ մնացել են մեկ ամսից ավելի. ազատ արձակման օրը նրանց կրկին ձերբակալել և հերթական կալանքն են նշանակել։
Լոգինովան և Օրլովը Ռուսաստանը լքել են նոյեմբերի 23-ին։ Լեոնտևն ազատ է արձակվել երկու անընդմեջ ձերբակալություններից հետո։
Թարգմանությունը՝ Էմմա Չոբանյանի
