27.03.2026 | 13:43
Օդի ջերմաստիճանը կբարձրանա
Հոլանդի ռեկորդն ու «Մանչեսթեր Սիթիի» հաղթանակը գոլառատ խաղում․ ՏԵՍԱՆՅՈՒԹ
03.12.2025 | 11:40
Ֆուտբոլի Անգլիայի առաջնության 14-րդ տուրում «Մանչեսթեր Սիթին» մրցակցի խաղադաշտում 5։4 հաշվով հաղթել է «Ֆուլհեմին»։
Մանչեսթերցիների գոլերի հաշիվը բացել է նորվեգացի հարձակվող Էրլինգ Հոլանդը, որը 100-րդ գոլն է խփել Պրեմիեր լիգայում ու սահմանել ռեկորդ։ 25-ամյա ֆուտբոլիստը պատմության մեջ բոլորից արագ է հասել այդ ցուցանիշին՝ 111 խաղում, հաղորդում է Opta-ն։
Հոլանդը գերազանցել է «Նյուքասլի» լեգենդար հարձակվող Ալան Շիրերի ռեկորդը, որը Պրեմիեր լիգայում 125 խաղում էր դարձել 100 գոլի հեղինակ։
Բացի այդ, «Մանչեսթեր Սիթին» 68 տարում առաջին անգամ Անգլիայի առաջնությունում հաղթանակի է հասել 4 գոլ բաց թողնելուց հետո։ Նախորդ անգամ նման բան եղել էր 1957թ․ դեկտեմբերին, երբ մանչեսթերցիները 5:4 հաշվով հաղթել էին «Շեֆիլդ Ուենսդեյին»։
«Ֆուլհեմի» դեմ խաղում Խոսեպ Գվարդիոլայի գլխավորած թիմից դուբլի հեղինակ էր դարձել անգլիացի կիսապաշտպան Ֆիլ Ֆոդենը, Էրլինգ Հոլանդի պես մեկ գոլ խփել էր նաև հոլանդացի կիսապաշտպան Տեյանի Ռեյնդերսը, մեկ անգամ էլ մրցակիցը գրավել էր սեփական դարպասը։
