09.06.2026 | 14:02
«Հանուն Հանրապետության» կուսակցությունը ճանաչում է ընտրությունների նախնական արդյունքները
Ուկրաինայի ԱԳՆ-ն հերքում է Սև ծովում նավի վրա հարձակմանը Կիևի մասնակցությունը
Քաղաքականություն
02.12.2025 | 21:23
Կիևը հերքում է Սև ծովում ռուսական նավի վրա հարձակմանն իր մասնակցությունը։
«Ուկրաինան որևէ կապ չունի այս միջադեպի հետ, և մենք պաշտոնապես հերքում ենք ռուսական քարոզչության նման պնդումները։ Ավելին, Ռուսաստանից Վրաստան Թուրքիայի բացառիկ տնտեսական գոտու միջոցով առաջարկվող երթուղին իմաստ չունի, ինչը ցույց է տալիս, որ ամբողջը կազմակերպել է Ռուսաստանը»,- մեկնաբանելով Սև ծովում ռուսական նավի վրա հարձակման մասին թուրքական իշխանությունների հաղորդումները՝ X-ում գրել է Ուկրաինայի արտաքին գործերի նախարարության ներկայացուցիչ Գեորգի Տիխին։
Ռուսաստանի իշխանությունները պնդում են, որ «Միդվոլգա 2» նավը հարձակման է ենթարկվել անօդաչու թռչող սարքի կողմից։
Ավելի վաղ Թուրքիայի իշխանությունները հայտնել էին ՌԴ-ից Վրաստան ուղևորվող լցանավի վրա թուրքական ափերի մոտ հարձակման մասին։
Թարգմանությունը՝ Էմմա Չոբանյանի
