07.09.2026 | 11:52
Ուկրաինական ԱԹՍ-ների հարձակման հետևանքով Պերմում բնակելի շենք է վնասվել․ կա զոհ․ ՏԵՍԱՆՅՈՒԹ
ՖԻՖԱ-ն մտադիր է ընդլայնել VAR-ի լիազորություններն ԱԱ-2026-ում
02.12.2025 | 18:26
ՖԻՖԱ-ն մտադիր է թույլտվություն ստանալ 2026թ․ աշխարհի առաջնությունում VAR համակարգի լիազորություններն ընդլայնելու համար, տեղեկացնում է The Times-ը։
Ֆուտբոլային պաշտոնյաները ցանկանում են, որ ԱԱ-2026-ում տեսակրկնապատկերների համակարգը կարողանա միջամտել նաև անկյունայինների և երկրորդ դեղին քարտերի հետ կապված իրավիճակներին։
Մրցավարները հնարավորություն կունենան վերանայել այնպիսի իրավիճակներ, որոնք կարող են հանգեցնել սխալ նշանակված ստանդարտ դիրքի կամ հեռացման: Այդ կերպ ՖԻՖԱ-ն ձգտում է հասնել մրցավարության առավելագույն ճշգրտության:
Բացի այդ, Արաբական գավաթի խաղարկությունում այժմ փորձարկվում է նաև սիմուլյացիաների դեմ պայքարին ուղղված մեկ այլ նոր կանոն։
Եթե կանոնները խախտող խաղացողը չի ստանում քարտ դրա համար, ապա տուժող ֆուտբոլիստը պարտավոր է երկու րոպեով լքել խաղադաշտը՝ բժշկական օգնություն ստանալու համար: Այս կանոնը, եթե հաջողվի, կարող է ներդրվել նաև ԱԱ-2026-ում։
Հիշեցնենք, որ 48 մասնակցով առաջին Մունդիալը կայանալու է 2026թ․ հունիսի 11-ից հուլիսի 19-ը ԱՄՆ-ում, Կանադայում և Մեքսիկայում։
