30.10.2026 | 15:55
Հոկտեմբերի 31-ին Հայաստանում օդի ջերմաստիճանը կբարձրանա մինչև 7 աստիճանով
Թրամփի բանագնաց Սթիվ Ուիթկոֆը Մոսկվայում է. ՏԵՍԱՆՅՈՒԹ
Քաղաքականություն
02.12.2025 | 16:48
ԱՄՆ նախագահի հատուկ բանագնաց Սթիվ Ուիթկոֆի տեղափոխող ինքնաթիռը վայրէջք է կատարել Մոսկվայի «Վնուկովո-2» օդանավակայանում՝ տեղական ժամանակով ժամը 13:46-ին։ Միաժամանակ, ՌԴ նախագահի արտասահմանյան երկրների հետ ներդրումների և տնտեսական համագործակցության հարցերով հատուկ ներկայացուցիչ, Ռուսաստանի ուղղակի ներդրումների հիմնադրամի ղեկավար Կիրիլ Դմիտրիևի մեքենան դուրս է եկել «Վնուկովո» օդանավակայանից, հաղորդում է ՏԱՍՍ-ի թղթակիցը։
Գործակալության աղբյուրները, որոնք ծանոթ են ԱՄՆ հատուկ բանագնացի այցի օրակարգին, հայտնել էին, որ Դմիտրիևը և Ուիթկոֆը կհանդիպեն Մոսկվայում երեքշաբթի։
Առաջին անգամ Ուիթքոֆին ուղեկցում է Թրամփի փեսան՝ Ջարեդ Քուշները։ CNN-ը, աղբյուրներին հղում անելով, նշում է, որ Թրամփն իր փեսային տեսնում է որպես հավանական գործարք կնքողի։
Reuters-ի լուսանկարիչը Կրեմլի մոտ լուսանկարել է ավտոշարասյուն, որը, ենթադրաբար, տեղափոխում է Դոնալդ Թրամփի ներկայացուցիչներ Ուիթկոֆին և Քուշներին: Նմանատիպ մեքենաներ նախկինում տեսել էին «Վնուկովո» օդանավակայանի մոտ, որտեղ վայրէջք էր կատարել Ուիթկոֆի ինքնաթիռը։
ՌԴ նախագահի խոսնակ Դմիտրի Պեսկովը պաշտոնապես հաստատել է, որ Պուտինի հետ հանդիպումը տեղի կունենա Կրեմլում։
Թարգմանությունը՝ Էմմա Չոբանյանի
