19.08.2026 | 11:57
Forbes. Ամենաթանկ ֆուտբոլային ակումբներն աշխարհում
«Փոշի և երազանքներ»․ Յուրա Մովսիսյանը հայտնել է իր գրքի շնորհանդեսի մասին
02.12.2025 | 15:36
Հայաստանի ազգային հավաքականի նախկին հարձակվող Յուրա Մովսիսյանը հայտարարել է իր գրքի շնորհանդեսի մասին։ «Փոշի և երազանքներ» վերնագրով գիրքն անվանի ֆուտբոլիստի կյանքի ու կարիերայի մասին է։
«Վերջապես այդ պահը եկել է։ Ամիսների քրտնաջան աշխատանքի և մի ամբողջ կյանքի հիշողությունների արդյունքում դուք այժմ կարող եք նախապես պատվիրել իմ առաջին գիրքը։ «Փոշի և երազանքներ»․ պատմություն, որ ծնվել է փոշուց և առաջ շարժվել երազանքների շնորհիվ։
Գիրքը հիշեցնում է այն մասին, որ մեծությունը ոչ միշտ է ծնվում հսկա մարզադաշտերում կամ կատարյալ խաղադաշտերում։ Երբեմն այն սկսվում է մոռացված անկյուններում, քարուքանդ հողերի վրա, այն երեխաների սրտերում, ովքեր խաղում են, երբ սաստիկ ցուրտն է, իսկ լույսը մարում է։
Առաջին 500 նախնական պատվերները կստանան իմ կողմից ստորագրված օրինակ՝ որպես շնորհակալություն այս ճանապարհին ձեր հավատին արժանանալու ու կարևոր պահերը կիսելու համար»,- սոցիալական ցանցերում գրել է Մովսիսյանը:
Հիշեցնենք, որ Յուրա Մովսիսյանը Հայաստանի հավաքականում խաղացել է 2010-2018թթ․, մասնակել 38 հանդիպման ու դարձել 14 գոլի հեղինակ։ Ակումբային կարիերայի ընթացքում նա հանդես է եկել ամերիկյան «Կանզաս Սիթիում», «Ռեալ Սոլթ Լեյքում», «Չիկագո Ֆայրում», դանիական «Ռանդերսում», ռուսական «Կրասնոդարում» ու «Սպարտակում» և շվեդական «Յուրգորդենում»։
