13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Ֆրանսիական ակումբի երկրպագուները ծեծել են ֆուտբոլիստներին
02.12.2025 | 14:24
Ֆրանսիական «Նիցայի» երկրպագուներն ագրեսիվ վարք են դրսևորել Լիգա 1-ի 14-րդ տուրում «Լորյանից» կրած պարտությունից հետո (1:3)։
Footmercato-ի համաձայն՝ ֆանատները հարձակվել են «Նիցայի» ֆուտբոլիստների վրա և ծեծել կիսապաշտպան Ժերեմի Բոգային ու հարձակվող Տերեմաս Մոֆիին։ Երբ ֆուտբոլիստները վերադարձել են ակումբի մարզաբազա, նրանց այնտեղ սպասել են շուրջ 400 երկրպագուներ։ Նրանք պահանջել են թիմի գլխավոր մարզիչ Ֆրանկ Էզի հեռացումը ու ագրեսիվ վարք դրսևորել ֆուտբոլիստների հանդեպ։ Ամենաշատը տուժել են Բոգան ու Մոֆին։
Ակումբն իր հերթին հանդես է եկել հայտարարությամբ՝ նշելով, որ երկրպագուների կողմից նման վարքն անթույլատրելի ու դատապարտելի է։
Բոլոր մրցաշարերում «Նիցան» պարտվել է նախորդ 6 խաղում։ Ֆրանսիայի առաջնության 14-րդ տորից հետո թիմը 17 միավորով 10-րդ տեղում է, իսկ Եվրոպա լիգայում առանց միավորի եզրափակում է մրցաշարային աղյուսակը։
