30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
«Փյունիկի» մարզիչ․ Այս տարվա առաջնությունը շատ հետաքրքիր է
02.12.2025 | 13:46
«Փյունիկի» գլխավոր մարզիչ Արտակ Օսեյանը Հայաստանի Պրեմիեր լիգայի տարեվերջյան՝ 15-րդ տուրում «Արարատի» նկատմամբ հաղթանակից (2:0) հետո ամփոփել է առաջնության առաջին հատվածը։
«Այս տարվա առաջնությունը շատ հետաքրքիր է։ Ճիշտ է՝ կարող ենք ասել, որ թիմերը երկու խմբի են բաժանվել, բայց նույնիսկ առաջին հնգյակի թիմերը, երբ խաղում են ներքևի հատվածում գտնվող թիմերի հետ, ապա բավական դժվարությամբ են հաղթանակները տրվում։ Այդ առումով կարծում եմ՝ այս տարվա առաջնությունը շատ հետաքրքիր է։
Ինչ վերաբերում է մեր թիմի ելույթներին, ապա դեռ վաղ է դրա մասին խոսել, բայց մենք դեռ շատ անելիքներ ունենք ու շատ հեռուն չենք նայում, քանի որ դեռ հանդիպումների նույնիսկ հիսուն տոկոսը չենք անցկացրել։
Մենք վաղվանից գնում ենք արձակուրդ և հունվարի սկզբին թիմը կհավաքվի։ Մարզումային առաջին փոքր փուլը կանցկացնենք այստեղ, որից հետո կմեկնենք արտասահմանյան հավաքի։
Իսկ ինչ վերաբերում է տրանսֆերային քաղաքականությանը, իհարկե, շատ մեծ գլոբալ փոփոխություններ չեն լինելու, բայց հուսով եմ՝ մենք լավ կաշխատենք, որ թիմն ավելի բալանսավորված լինի»,- մարզիչի խոսքը մեջբերում է ակումբի մամուլի ծառայությունը։
«Փյունիկը» 14 խաղից հետո վաստակել է 29 միավոր ու «Ուրարտուի» և «Ալաշկերտի» հետ բաժանում է 2-4-րդ տեղերը։ Առաջատար «Արարատ-Արմենիան» ունի 34 միավոր։ Արտակ Օսեյանի գլխավորած թիմը մեկ հանդիպում պակաս է անցկացրել մյուս առաջատարների համեմատ։
