29.07.2026 | 11:39
Թրամփը հայտարարել է, որ Զելենսկիի հետ հանդիպումը «շատ լավ» է անցել
ՌԴ-ն հարվածել է Օդեսայի մարզում էներգետիկ օբյեկտի. ավելի քան 36,000 բաժանորդ մնացել է առանց էլեկտրաէներգիայի
Քաղաքականություն
02.12.2025 | 13:50
Ռուսական զորքերը դեկտեմբերի լույս 2-ի գիշերն անօդաչու թռչող սարքերով զանգվածային հարված են հասցրել Օդեսայի հարավային շրջանին, հայտնել է տարածաշրջանային ռազմական վարչակազմի ղեկավար Օլեգ Կիպերը, գրում է Current time-ը։
Նրա տեղեկացմամբ՝ հարվածի թիրախը եղել են քաղաքացիական ու էներգետիկ ենթակառուցվածքները. վնասվել են էներգետիկ օբյեկտ, վարչական շենք և մասնավոր տներ։ Հրդեհը մարվել է, սակայն հարձակումն էլեկտրաէներգիայի անջատումներ է առաջացրել։ Կիպերը գրել է, որ կարևորագույն ենթակառուցվածքները ժամանակավորապես աշխատում են գեներատորներով։
ДТЭК-ը հայտնել է, որ Ռուսաստանը հարվածել է ընկերության էներգետիկ օբյեկտին։
«8000 ընտանիք միացվել է պահեստային համակարգերի միջոցով։ Եվս 36,300-ը ժամանակավորապես առանց էլեկտրաէներգիայի են»,- ասվում է հայտարարության մեջ։
Ուկրաինայի ռազմաօդային ուժերի տվյալներով՝ գիշերն Ուկրաինայի վրա հարձակվել է 62 ռուսական անօդաչու թռչող սարք, որոնցից 39-ը խոցվել կամ ճնշվել է ՀՕՊ ուժերի կողմից։
Ռուսական ուժերը պարբերաբար հարձակվում են Ուկրաինայի շրջանների վրա։ ՌԴ իշխանությունները, սակայն, հերքում են, որ ռուսական բանակը լայնածավալ պատերազմի ընթացքում թիրախային հարվածներ է հասցնում Ուկրաինայում քաղաքացիական ենթակառուցվածքներին։
Մոսկվան դեռևս չի մեկնաբանել Օդեսայի մարզին հասցված զանգվածային հարվածը։
Թարգմանությունը՝ Էմմա Չոբանյանի
