27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Արման Ծառուկյանը կմենամարտի Երևանում․ ՏԵՍԱՆՅՈՒԹ
02.12.2025 | 11:47
UFC-ի թեթև քաշային կարգի դասակարգման առաջատար Արման Ծառուկյանը հայտարարել է, որ դեկտեմբերի 30-ին մենամարտ կանցկացնի Երևանում։ 29-ամյա մարտիկը կմասնակցի Hype Fighting լիգայի մրցաշարին, որը կկայանա Կարեն Դեմիրճյանի անվան Մարզահամերգային համալիրում։
«Դեկտեմբերի 30-ին Երևանում ես կգլխավորեմ Hype Fighting մրցաշարը։ Մրցակցի անունը շուտով կհայտարարավի։ Տոմսերն արդեն վաճառքում են։ Բոլորիդ սպասում եմ»,- տեսաուղերձում ասել է Ծառուկյանը։
Արման Ծառուկյանը կմենամարտի գրեփլինգի կամ բրազիլական ջիու-ջիտսուի կանոններով: Մրցաշարին կմասնակցեն նաև Լենդրուշ Հակոբյանը, Վահե Սարուխանյանը, Գենադի Մակարյանը, Ռոման Քալաշյանը, Տարոն Հովհաննիսյանը, Արմեն Աթաևը և այլ մարտիկներ։
Հիշեցնենք, որ նոյեմբերի 22-ին Արման Ծառուկյանը Դոհայում կայացած UFC Fight Night 265 մրցաշարի գլխավոր մենամարտում խեղդող հնարքով ժամկետից շուտ հաղթել էր նորզելանդացի Դեն Հուկերին։ Հայ մարտիկը խառը մենամարտերում անցկացրել է 26 հանդիպում, տարել 23 հաղթանակ ու կրել 3 պարտություն։
