Սաակաշվիլին հայտարարել է, որ Կոբախիձեն Երևանին «սպառնում է ապրանքների տեղաշարժի սահմանափակումներով»

Վրաստանի նախկին նախագահ, ներկայում անազատության մեջ գտնվող Միխեիլ Սաակաշվիլին երկրի իշխանություններին մեղադրել է Հայաստանի ու Ադրբեջանի հետ հարաբերությունները վատթարացնելու մեջ։

«Հանցավոր ռեժիմը չափազանց լարված հարաբերություններ ունի ոչ միայն Արևմուտքի, այլև իր անմիջական հարևանների՝ Հայաստանի և Ադրբեջանի հետ։ Կոբախիձեն (Վրաստանի վարչապետ Իրակլի Կոբաիձեին – խմբ․) խնդրում է Հայաստանին վտարել վրացական ՀԿ-ներին Երևանից (որն այժմ լի է վրացիներով, քանի որ նախկինում Վրաստանում արևմտյան փողերով անցկացվող կոնֆերանսներն այժմ տեղափոխվել են Երևան) և փակել նրանց հաշիվները»,- ֆեյսբուքյան իր էջում գրել է Սաակաշվիլին։

Ըստ նրա՝ Փաշինյանի կառավարությունը պատասխանում է, որ Հայաստանում գործակալների մասին օրենք չկա, և վրացիների ազատությունը սահմանափակելու հիմք չկա։ Իր հերթին, Կոբախիձեն սպառնում է Երևանին ապրանքների տեղաշարժի սահմանափակումներով, հավելել է Վրաստանի նախկին նախագահը։

«Մինչդեռ, Թբիլիսին արդեն խնդիր է ստեղծել Ադրբեջանի համար ապրանքների տեղաշարժի հետ կապված։ Ադրբեջանական  լրատվամիջոցները իրավացիորեն սա համարում են Ռուսաստանի խնդիր: Ռուսները ռմբակոծում են Կիևում գտնվող Ադրբեջանի դեսպանատունը, իսկ այստեղ՝ իրենց խամաճիկների օգնությամբ, խնդիրներ են ստեղծում հաղորդակցության հետ կապված: Ըստ երևույթին, այն, ինչ գրում են ադրբեջանցի լրագրողները, արտացոլում է նաև պաշտոնական Բաքվի արդարացի զայրույթը։ Մի խոսքով, այս միաբջիջ վնասատուները մեզ բոլորիս խաբել են»,- նշել է Սաակաշվիլին։

Թարգմանությունը՝ Էմմա Չոբանյանի