05.12.2025 | 09:56
ՀՀ սեփականության իրավունքն է վերականգնվել Երևանում գտնվող՝ 0.006 հա մակերեսով հողամասի նկատմամբ. Դատախազություն
Պատերազմը պետք է հնարավորինս շուտ ավարտվի. Զելենսկին և Մակրոնը հեռախոսազրույց են ունեցել Ուիթկոֆի հետ
Քաղաքականություն
01.12.2025 | 19:23
Ելիսեյան պալատը հայտնել է, որ Ֆրանսիայի նախագահ Էմանուել Մակրոնը և Ուկրաինայի նախագահ Վլադիմիր Զելենսկին Փարիզում կայացած բանակցությունների ընթացքում հեռախոսազրույց են ունեցել Դոնալդ Թրամփի հատուկ բանագնաց Սթիվ Ուիթկոֆի և ուկրաինական բանակցային պատվիրակության ղեկավար Ռուստեմ Ումերովի հետ, գրում է BBC-ի ռուսական ծառայությունը։
Զելենսկին տելեգրամում գրառման մեջ հավելել է, որ զրույցին մասնակցել է նաև Մեծ Բրիտանիայի վարչապետ Քիր Սթարմերը։
«Մենք պայմանավորվել ենք անձամբ քննարկել ավելի շատ մանրամասներ. թիմերը կհամաձայնեցնեն հնարավոր հետագա շփումների ժամանակացույցը»,- գրել է Ուկրաինայի նախագահը։
AFP-ի փոխանցմամբ՝ Ումերովը դեռևս Ֆլորիդայում է, որտեղ մասնակցել է Ուիթկոֆի հետ մեկ այլ հանդիպման՝ պատերազմը դադարեցնելու ծրագիրը քննարկելու համար։ Հիմնական բանակցությունները տեղի են ունեցել կիրակի։
Ֆրանսիացի գործընկերոջ հետ հանդիպումից հետո Զելենսկին տելեգրամի իր էջում գրել է, որ «պատերազմը պետք է հնարավորինս արագ ավարտվի»։ Նրա խոսքով՝ Ֆրանսիայի նախագահ Էմանուել Մակրոնի հետ Փարիզում իր հանդիպումը տևել է մի քանի ժամ։ Առաջնորդները հիմնականում կենտրոնացել են պատերազմի ավարտի բանակցությունների և անվտանգության երաշխիքների վրա։
«Խաղաղությունը պետք է իսկապես ապահով դառնա։ Պատերազմը պետք է ավարտվի որքան հնարավոր է՝ շուտ։ Հիմա շատ բան կախված է յուրաքանչյուր առաջնորդի գործողություններից։ Այսօր մենք նաև կխոսենք այլ առաջնորդների հետ»,- նշել է Զելենսկին։
Ուիթկոֆն էլ երեքշաբթի Մոսկվայում կհանդիպի ՌԴ նախագահ Վլադիմիր Պուտինի հետ։ AFP-ի փոխանցմամբ՝ Ումերովը, ինչպես սպասվում է, Զելենսկիին բանակցությունների վերաբերյալ մանրամասն զեկույց կներկայացնի երեքշաբթի, երբ պաշտոնական այցով կլինի Իռլանդիայում։
Թարգմանությունը՝ Էմմա Չոբանյանի
