23.01.2026 | 23:21
Մասկը վերադարձել է մեծ քաղաքականություն և շարունակում է ֆինանսավորել հանրապետականներին. WSJ
UFC-ի նախկին չեմպիոն․ Կարծում եմ՝ Տոպուրիան փախչում է Արման Ծառուկյանից
01.12.2025 | 17:54
UFC-ի նախկին չեմպիոն Տի Ջեյ Դիլաշոուն կարծիք է հայտնել թեթև քաշային կարգի գործող չեմպիոն Իլյա Տոպուրիայի և դասակարգման առաջատար Արման Ծառուկյանի հնարավոր մենամարտի մասին։
«Ես իրոք մտածում եմ, որ Իլյան փախչում է Արմանից։ Նաև կարծում եմ, որ Տոպուրիան UFC-ի ամենաբարձրակարգ մարտիկներից է այս պահին։ Բայց ես նաև կարծում եմ, որ Ծառուկյանը սպառնալիք է Իլյայի համար։ Արմանը շատ ուժեղ է։ Նրա բռնցքամարտը տեխնիկապես հագեցած է, իսկ ըմբշամարտը հիանալի է։ Դա ծանր մենամարտ կլինի Տոպուրիայի համար»,- JAXXON Podcast-ի եթերում ասել է ամերիկացի մարտիկը։
Ավելի վաղ Իլյա Տոպուրիան հայտարարել էր, որ մինչև գարուն չի մենամարտելու ընտանեկան խնդիրների պատճառով, իսկ UFC-ն թեթև քաշային կարգի ժամանակավոր չեմպիոնի տիտղոսի համար մենամարտ էր նշանակել ամերիկացի Ջասթին Գեյջիի ու բրիտանացի Փեդի Փիմբլեթի միջև։
29-ամյա Ծառուկյանը խառը մենամարտերում անցկացրել է 26 հանդիպում, տարել 23 հաղթանակ ու կրել 3 պարտություն։ 28-ամյա Տոպուրիան 17 մենամարտում ունի նույնքան հաղթանակ։
