27.03.2026 | 10:44
Երեխաների առցանց անվտանգությունը՝ պետական ռազմավարական առաջնահերթություն․ ԲՏԱ նախարարը քննարկման է մասնակցել
Յուրչենկո․ Առաջին հերթին Սպերցյանը մտածում է իր ընտանիքի մասին
01.12.2025 | 16:55
Հայաստանի ազգային հավաքականի նախկին դարպասապահ Դավիթ Յուրչենկոն կարծիք է հայտնել ռուսական «Կրասնոդարի» կիսապաշտպան Էդուարդ Սպերցյանի խաղի մասին ու գնահատել եվրոպական ակումբ տեղափոխվելու հավանականությունը։
«Սպերցյանը ոսկե տղա է ու մեծ տաղանդ։ Նա գնում է իր ճանապարհով։ Հնարավոր է` նրան վիճակված է խաղալ Եվրոպայում, հնարավոր է՝ ոչ։ Էդուարդը պայծառ գլուխ ունի։ Նա մտածում է ոչ միայն իր ցանկությունների և կարիերայի մասին, այլև՝ ընտանիքի։ Առաջին հերթին Սպերցյանը մտածում է իր հարազատների մասին, իսկ հետո նոր կարիերայի»,- Յուրչենկոյի խոսքը մեջբերում է Metaratings-ը։
Ռուսաստանի ընթացիկ առաջնությունում Էդուարդ Սպերցյանը մասնակցել է 17 հանդիպման, դարձել 8 գոլի ու 11 գոլային փոխանցման հեղինակ։ Նրա պայմանագրի ժամկետը նախատեսված է մինչև 2029թ․ հունիսի 30-ը։ Transfermarkt-ը 25 միլիոն եվրո է գնահատում 25-ամյա կիսապաշտպանի տրանսֆերային արժեքը։
