06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Խորեն Բայրամյանը դեմ չէ վերադառնալ Հայաստանի հավաքական
01.12.2025 | 13:14
Ռուսական «Ռոստովի» կիսապաշտպան Խորեն Բայրամյանը հայտնել է Հայաստանի հավաքական վերադառնալու ցանկության մասին։ 33-ամյա ֆուտբոլիստն ազգային թիմում նորամուտը նշել է 2020 թվականին, մասնակցել 22 խաղի ու խփել 2 գոլ, սակայն 2023 թվականից հետո չի հրավիրվում։
«Հավաքականում խաղալու հույս միշտ կա։ Որոշողը նրանք են, իսկ ես պետք է պատրաստ լինեմ հրավերի։ Կարծում եմ՝ մարզիչը գիտի, որ ես ցանկանում եմ խաղալ»,- Բայրամյանի խոսքը մեջբերում է «Матч ТВ»-ն։
Խորեն Բայրամյանը պատմել է նաև, թե ինչպես է ընդունել ԱԱ-2026-ի եվրոպական գոտու որակավորման մրցաշարի վերջին տուրիում Պորտուգալիայի հավաքականից կրած 1:9 հաշվով պարտությունը։
«Չեմ ասի, որ լաց եմ եղել, սակայն շատ ցավալի էր։ Ծանր զգացում է, երբ ֆուտբոլ ես դիտում տանը և ունենում մեծ անհանգստություն։ Ես չեմ եղել այդպիսի իրավիճակում, որ պարտվեմ նման հաշվով, սակայն ցանկացած խոշոր պարտություն միշտ այդպես է ընդունվում։ Ինձ թվում է, որ այդ 1։9 հաշիվը վերապրում էի տղաների հետ»,- ասել է հայ ֆուտբոլիստը։
Խորեն Բայրամյանը 2019 թվականին է վերադարձել «Ռոստով», որի կազմում ընթացիկ մրցաշրջանում անցկացրել է 9 հանդիպում ու դարձել 1 գոլի հեղինակ։ Կարիերայի ընթացքում նա հանդես է եկել նաև Վոլգոգրադի «Ռոտորում», «Աստրախանի «Վոլգարում» ու Կազանի «Ռուբինում»։
