30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Բռնցքամարտի Հայաստանի հավաքականը մեկնել է Դուբայ
01.12.2025 | 13:45
Բռնցքամարտի Հայաստանի հավաքականը մեծ պատվիրակությամբ մեկնել է Դուբայ` մասնակցելու աշխարհի առաջնությանը, հաղորդում է ՀԲՖ մամուլի ծառայությունը։
Մրցավայրում հայ բռնցքամարտիկների կողքին կլինեն ֆեդերացիայի նախագահ Հովհաննես Հովսեփյանը, առաջին փոխնախագահ Սամվել Գասպարյանը և Եվրոպայի չեմպիոններ Մեխակ Ղազարյանն ու Սամսոն Խաչատրյանը։ Աշխարհի առաջնությունում Հայաստանը կունենա նաև իր մրցավարը։ Բռնցքամարտի տարվա գլխավոր ստուգատեսում կաշխատի միջազգային կարգի մրցավար Բագրատ Ավոյանը։
Ռուդիկ Մկրտչյանի գլխավորած թիմի կազմում ԱԱ-ին կմասնակցեն Բարեղամ Հարությունյանը (48 կգ), Ռուդոլֆ Գարբոյանը (51 կգ), Դավիթ Եգորյանը (54 կգ), Ժիրայր Սարգսյանը (57 կգ), Արթուր Բազեյանը (60 կգ), Նարեկ Հովհաննիսյանը (63,5 կգ), Արմեն Մաշակարյանը (67 կգ), Արարատ Հարությունյանը (71 կգ), Վախթանգ Հարությունյանը (75 կգ), Արտուշ Հովհաննիսյանը (80 կգ), Ռաֆայել Հովհաննիսյանը (86 կգ), Նարեկ Մանասյանը (92 կգ) և Դավիթ Չալոյանը (+92 կգ)։ Աշխարհի առաջնությունը կկայանա դեկտեմբերի 2-13-ը։
Լուսանկարը՝ ՀԲՖ մամուլի ծառայության։
