07.09.2026 | 14:14
«Էմիլի ֆարմ»-ի 7 մասնաճյուղում 9 վարչական խախտում է արձանագրվել
Ուկրաինական ԱԹՍ-ները հարձակվել են Կասպիյսկի վրա. բազմահարկ բնակելի շենք է վնասվել. ՏԵՍԱՆՅՈՒԹ
Քաղաքականություն
01.12.2025 | 14:10
Դաղստանում ուկրաինական անօդաչու թռչող սարքերի հարձակում է խափանվել, Կասպիյսկ քաղաքի վրա օդային թիրախներ են խոցվել։ Այս մասին հայտարարել է հանրապետության ղեկավար Սերգեյ Մելիկովը, գրում է BBC-ի ռուսական ծառայությունը։
«Խնդրում եմ ձեզ պահպանել նախազգուշական միջոցները, այդ թվում՝ խուսափել փողոցների բաց հատվածներից»,- գրել է նա տելեգրամում։
Մելիկովը չի նշել, թե Կասպիյսկում անօդաչուներն ինչ թիրախների վրա են հարձակվել։ Ուկրաինական կողմը չի մեկնաբանել հարձակումը։ Baza տելեգրամ ալիքը պնդում է, որ Կասպիյսկում բազմահարկ բնակելի շենք է վնասվել, «գրեթե բոլոր պատուհանները կոտրվել են»։
Դաղստանի առողջապահության նախարարությունը հայտնել է, որ 12-ամյա մի աղջիկ կրծքավանդակի թեթև վերք է ստացել և հոսպիտալացվել։
Ռուսաստանի պաշտպանության նախարարությունը հայտարարության մեջ նշել է, որ ժամը 23:30-ից մինչև առավոտյան ժամը 7:00-ն «ոչնչացվել է ուկրաինական 32 ինքնաթիռային անօդաչու թռչող սարք»։
Թարգմանությունը՝ Էմմա Չոբանյանի
