28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Սպերցյանի դուբլն ու ասիստը, «Կրասնոդարի» վստահ հաղթանակը․ ՏԵՍԱՆՅՈՒԹ
30.11.2025 | 17:28
Հայաստանի ազգային հավաքականի կիսապաշտպան Էդուարդ Սպերցյանի դուբլն ու գոլային փոխանցումն օգնեցին «Կրասնոդարին» Ռուսաստանի առաջնության 17-րդ տուրում 5։0 հաշվով վստահ հաղթանակի հասնել Սամարայի «Կռիլյա Սովետովի» նկատմամբ։
25-ամյա Սպերցյանը 40-րդ րոպեին հաշիվը դարձրեց 2։0 (տեսանյութ), երկրորդ խաղակեսի սկզբնամասում անվրեպ իրացրեց 11-մետրանոց հարվածը (տեսանյութ), իսկ խաղի վերջին րոպեին կատարեց նաև գոլային փոխանցում (տեսանյութ)։
Դաշտի տերերի գոլերից մեկը խփեց կոլումբացի հարձակվող Ջոն Կորդոբան, որը 69 գոլով դարձավ «Կրասնոդարի» պատմության լավագույն ռմբարկուն։
Ռուսաստանի ընթացիկ առաջնությունում Էդուարդ Սպերցյանը 17 խաղում խփել է 8 գոլ ու կատարել 11 գոլային փոխանցում։ Այս հաղթանակի շնորհիվ Ռուսաստանի չեմպիոն «Կրասնոդարը» 37 միավորով բարձրացավ առաջին տեղ։ 36 միավորով երկրորդ տեղում Մոսկվայի ԲԿՄԱ-ն է, որը հաջորդ տուրում խաղալու է «Կրասնոդարի» հետ։
