Պետք է գիտակցենք, որ համաներումը պետության պարտավորություն չէ, այլ բարի կամքի դրսևորում. իրավաբան. ՏԵՍԱՆՅՈՒԹ

Պետք է գիտակցենք, որ համաներումը պետության պարտավորություն չէ, այլ պետության կողմից բարի կամքի դրսևորում: Այսօր՝ նոյեմբերի 1-ին Համաներման մասին օրինագծի թեմայով հրավիրված ասուլիսին նման կարծիք հայտնեց իրավաբան Գեղամ Հակոբյանը:

«Համաներումները, որպես կանոն, նախկինում լինում էին երեք տարին մեկ պարբերականությամբ, և հասարակության մոտ դեռևս 2016 թվականից կար այդ սպասումը, որ պետք է լինի համաներում: Անգամ նախագծեր էին շրջանառվում: Բայց ականատես եղանք, որ մինչև 2018 թվականը նախորդ իշխանությունների կողմից չընդունվեց: Քաղաքական էր նպատակը, թե այլ, չեմ կարող ասել: Ամեն դեպքում, պետք է գիտակցենք, որ դա պետության պարտավորություն չէ, այլ պետության կողմից բարի կամքի դրսևորում»,- հավելեց իրավաբանը:

Նրա խոսքով՝ երբ հայտարարվեց, որ աննախադեպ համաներում է լինելու, կրքերը թեժացան, սպասումներն ավելի բարձր էին: «Ի տարբերություն նախորդ համաներման ակտերի, որոնք խիստ գաղտնի պայմաններում էին քննարկվում, ընդունվում և միայն հրապարակումից հետո էին հանրությանը հայտնի դառնում, այս անգամ դրական քայլ տեղի ունեցավ, և արդեն օրենքի տեսքով նախագիծը հանրությանը ներկայացվեց, ինչն իրականում նպաստավոր էր. քաղաքացիական հասարակության, իրավաբանական հանրույթի կարծիքները սկսեցին արտահայտվել թեր և դեմ կողմերի վերաբերյալ»,- ընդգծեց Գեղամ Հակոբյանը:

Իրավաբանը ներկայացրեց նաև Համաներման մասին օրենքի նախագծի դրական կողմերն ու թերությունները, միաժամանակ, շեշտելով, որ այս համաներումը, ամեն դեպքում, Հայաստանի պատմության մեջ աննախադեպ էր:

Մանրամասները՝ տեսանյութում: