28.04.2026 | 10:05
Արտարժույթների փոխարժեքները՝ ապրիլի 28-ի դրությամբ
ՀԱՊԿ անդամ երկրներից կա՞ն ԵՄ համաձայնագրերին մասնակիցներ․ Արծվիկ Մինասյանը՝ ԱԳ փոխնախարարին․ ՏԵՍԱՆՅՈՒԹ
Քաղաքականություն
28.11.2025 | 15:31
«Կհրապարակեք՝ ո՞ր երկրներն են, որ Եվրամիության հետ ունեն այսպիսի համաձայնագրեր, այդ թվում նաև ՀԱՊԿ անդամ երկրներից կա՞ն արդյոք, թե՞ չկան»,- ԱԳ փոխնախարար Վահան Կոստանյանին նման հարց ուղղեց «Հայաստան» խմբակցության պատգամավոր Արծվիկ Մինասյանը։ Պատգամավորը նաև հետաքրքրվեց, թե ինչ է իրենից ներկայացնում ԵՄ-ի հետ ռազմական համագործակցությունը։
ԱԳ փոխնախարարի խոսքով նմանօրինակ պայմանագրեր ունեն Կանադան, Շվեյցարիան, Նորվեգիան, սակայն ցանկն այդքանով չի սահմանափակվում։
«Ցավոք, ամբողջական ցանկը այս պահին ներկայացնել չեմ կարող, բայց եթե իմ հիշողությունը ինձ չի դավաճանում, ՀԱՊԿ անդամ պետությունները նմանօրինակ համաձայնագրեր Եվրոպական միության հետ չունեն: Իսկ ինչ վերաբերվում է առանձին առաքելություններին, որոնց վերաբերյալ իրավական համակարգի ստեղծման պարագայում Հայաստանի Հանրապետությունը կարող է քննարկումներ սկսել Եվրոպական միության հետ՝ միանալու այս կամ այն առաքելությանը, ուզում եմ ասել, որ մեր նախնական ընկալումները առավելապես վերաբերվում են քաղաքացիական առաքելություններին մասնակցությանը»,- ընդգծեց ԱԳ փոխնախարարը:
Հիշեցնենք, որ այսօր ԱԺ օրակարգում ««Հայաստանի Հանրապետության և Եվրոպական միության միջև Եվրոպական միության ճգնաժամային կառավարման գործողություններում Հայաստանի Հանրապետության մասնակցության շրջանակը սահմանելու մասին» համաձայնագիրը վավերացնելու մասին» օրենքի նախագիծն էր:
Համաձայնագիրը ստորագրվել է 2025 թվականի հունիսի 30-ին։ Այսօր ԱԺ-ն ընդունեց ՀՀ-ԵՄ համագործակցությանը վերաբերող համաձայնագիրը վավերացնելու որոշումը։
Մանրամասները՝ տեսանյութում։
