27.06.2026 | 15:22
Ռաիսա Մկրտչյանի մահվան կապակցությամբ ստեղծվել է թաղման հանձնաժողով
ՀՀ-ն ցանկանում է ոչ միայն անվտանգության սպառող լինել, այլև աջակցել ԵՄ միջոցառումներին․ Կոստանյան․ ՏԵՍԱՆՅՈՒԹ
28.11.2025 | 14:47
«Հայաստանի Հանրապետությունը ցանկություն ունի ոչ միայն անվտանգության սպառող լինել, այլ նաև աջակցել այն անվտանգային միջոցառումներին, որ մեր եվրոպացի գործընկերները իրականացնում են»,- ԱԺ-ում պատգամավորների նախաձեռնությամբ գումարված Ազգային ժողովի արտահերթ նիստի ժամանակ ասել է ԱԳ փոխնախարար Վահան Կոստանյանը։
Հիշեցնենք, որ այսօր ԱԺ օրակարգում ««Հայաստանի Հանրապետության և Եվրոպական միության միջև Եվրոպական միության ճգնաժամային կառավարման գործողություններում Հայաստանի Հանրապետության մասնակցության շրջանակը սահմանելու մասին» համաձայնագիրը վավերացնելու մասին» օրենքի նախագիծն էր: Համաձայնագիրը ստորագրվել է 2025 թվականի հունիսի 30-ին։
Հայաստանը և Եվրոպական միությունը համաձայնագրով ցանկանում են սահմանել ԵՄ ճգնաժամային կառավարման գործողություններին Հայաստանի մասնակցության ընդհանուր պայմանները։ Ըստ Կոստանյանի՝ այն հնարավորություն է ընձեռում ճգնաժամերի կառավարման ոլորտում լավագույնս օգտագործել Եվրոպական միության փորձն ու գիտելիքները։
«Հայաստանի Հանրապետության և Եվրոպական միության միջև ընդլայնվող համագործակցության շրջանակներում արդեն իսկ շատ կարևոր տեղ է զբաղեցնում անվտանգային և պաշտպանական ոլորտի համագործակցությունը։ Եվ, ըստ էության, այս համագործակցության շրջանակներում է նաև, որ Հայաստանում տեղակայվել է Եվրոպական միության դիտորդական առաքելությունը»,- ասաց Վահան Կոստանյանը։
ԱԺ-ն այսօր ընդունեց ՀՀ-ԵՄ համագործակցությանը վերաբերող համաձայնագիրը վավերացնելու որոշումը։
Մանրամասները՝ տեսանյութում։
