30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Հռոմի Հովհաննես Պողոս 2-րդ պապի վրա կրակողը Լևոն 14-րդ պապի այցից առաջ հեռացվել է Թուրքիայի Իզնիկ քաղաքից
Քաղաքականություն
28.11.2025 | 14:39
1981 թվականին Հռոմի Հովհաննես Պողոս II պապի վրա հարձակված տղամարդը հինգշաբթի հեռացվել է թուրքական Իզնիկ քաղաքից՝ Հռոմի նորընտիր Լևոն XIV պապի այցից առաջ, գրում է Turkish Minute-ը։
1981 թվականի մայիսին Վատիկանի Սուրբ Պետրոսի հրապարակում ազգությամբ թուրք Մեհմեթ Ալի Աղջան մի քանի կրակոց էր արձակել Հռոմի Հովհաննես Պողոս պապի ուղղությամբ՝ ծանր վիրավորելով կաթոլիկ քահանայապետին։
Թուրքական լրատվամիջոցների հաղորդմամբ՝ Ալի Աղջան ասել է, թե թե հույս ունի հանդիպել Լևոն XIV-ի հետ «երկու կամ երեք րոպեով»։
«Ցանկանում եմ ողջունել Հռոմի պապին։ Հուսով եմ՝ մենք կարող ենք նստել և զրուցել Իզնիկում կամ Ստամբուլում առնվազն երկու կամ երեք րոպե»,- ասել է նա։
Սակայն, ըստ Halk TV-ի, նրան հեռացրել են քաղաքից մինչև Պապի ժամանումը։
Հովհաննես Պողոսի վրա հարձակումից հետո Աղջան Իտալիայում դատապարտվել էր ցմահ ազատազրկման, սակայն պատժի կրման համար տեղափոխվել էր Թուրքիայի մայրաքաղաք Անկարա։ Նա ազատ է արձակվել 2010 թվականի հունվարին՝ 29 տարվա բանտարկությունից հետո։
Հովհաննես Պողոսը նրան այցելել է բանտում 1983 թվականի դեկտեմբերին, որտեղ նա զղջացել է արարքի համար, բայց չի նշել դրդապատճառները։
Հռոմի Լևոն XIV պապը Թուրքիայում է առաջին արտասահմանյան ուղևորության շրջանակում։ Նրա այցելությունը Իզնիկ նշանավորում է Նիկեայի Առաջին ժողովի 1700-ամյակը։ Կաթոլիկ եկեղեցու ղեկավարը Ստամբուլում նաև հայկական եկեղեցի է այցելելու։
Թարգմանությունը՝ Էմմա Չոբանյանի
