07.09.2026 | 21:58
Երրորդ դեպքը 5 ամսում․ ի՞նչ է կատարվում Բյուրեղավանի խմելու ջրի հետ. ՏԵՍԱՆՅՈՒԹ
Մբապեի հեթ-տրիկը երկրորդ ամենաարագն է Չեմպիոնների լիգայի պատմության մեջ
28.11.2025 | 13:33
Մադրիդի «Ռեալի» ֆրանսիացի հարձակվող Կիլիան Մբապեն գրանցել է Չեմպիոնների լիգայի պատմության մեջ երկրորդ ամենաարագ հեթ-տրիկը, հաղորդում է Mister Chip-ը։
Հունական «Օլիմպիակոսի» դեմ հաղթական խաղում (4։3) Մբապեն առաջին խաղակեսում գոլ էր խփել 22-րդ, 24-րդ և 29-րդ րոպեներին։ Նա հեթ-տրիկը գրանցել է 6 րոպե 42 վայրկյանում։
Չեմպիոնների լիգայի պատմության մեջ ամենաարագ հեթ-տրիկի հեղինակը Մոհամեդ Սալահն է։ «Լիվերպուլի» եգիպտոսցի հարձակվողը 2022 թվականին 6 րոպե 13 վայրկյանում էր 3 գոլ խփել շոտլանդական «Ռեյնջերսին»։
Հիշեցնենք, որ «Օլիմպիակոսի» դեմ խաղում Մբապեն խփել էր նաև չորրորդ գոլը և ճանաչվել է Չեմպիոնների լիգայի շաբաթվա լավագույն ֆուտբոլիստ։
