09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Որ հոգևորականներն են ընդունել Փաշինյանի հանդիպման հրավերը․ վարչապետը տեսանյութ է տարածել. ՏԵՍԱՆՅՈՒԹ
Քաղաքականություն
27.11.2025 | 19:11
ՀՀ վարչապետ Նիկոլ Փաշինյանը «Տելեգրամ»-ում տեսանյութ է տարածել՝ նշելով, որ մի խումբ եպիսկոպոսների և արքեպիսկոպոսների է ընդունել։
Ավելի վաղ ճեպազրույցի ժամանակ վարչապետը հայտնել էր, որ այսօր հանդիպելու է հայտարարության տակ ստորագրած հոգևորականների հետ։
Ավելի վաղ հայտնել էինք, որ Հայ Առաքելական եկեղեցու մի խումբ եպիսկոպոսների անունից համացանցում հայտարարություն էր տարածվել, որը վերաբերում է Արշակ արքեպիսկոպոս Խաչատրյանի ինտիմ տեսանյութերին։
Տարածված հայտարարության մեջ նշվում է, որ Գարեգին Բ Ամենայն Հայոց Կաթողիկոսի կողմից ստեղծվել էր հանձնախումբ՝ «Համացանցում տարածված Գերշ․ Տ․ Արշակ արքեպս․ Խաչատրյանին վերագրվող անպարկեշտ տեսանյութերն ուսումնասիրելու և դրանց առնչությամբ եզրակացություն ներկայացնելու նպատակով»։
Նշվում է, որ հանձնախումբն օրենքով սահմանված կարգով դիմել է Քննչական կոմիտեի համապատասխան բաժին՝ հիշյալ տեսանյութերի փորձագիտական քննությունն իրականացնելու և դրանց իսկությունը պարզելու համար։ Նոյեմբերի 25-ին ՔԿ-ի կողմից հանձնախմբին է տրամադրվել հիշյալ փորձաքննության արդյունքները, որը հաստատում է Արշակ արքեպս․ Խաչատրյանին վերագրվող տեսանյութերի իսկությունը։ «Հանձնախումբը նույն օրն իսկ ի պաշտոնե այն ներկայացրել է Գարեգին Բ կաթողիկոսին՝ ի տնօրինություն՝ համաձայն Հայ եկեղեցու կանոնական իրավունքի պահանջների։ Գարեգին Բ կաթողիկոսն ԱՌ ՈՉԻՆՉ է համարել իր իսկ կողմից ստեղծված հանձնախմբի ներկայացրած փորձաքննության արդյունքները»,-նշվում է հրապարակված հայտարարության մեջ։
Տեքստից ենթադրվում է նաև, որ եպիսկոպոսները համարում են՝ կաթողիկոսի վարքագիծը անհամատեղելի է Հայ Եկեղեցու կանոնական իրավունքին և վարդապետությանը։ Նրանք դատապարտել են «Գարեգին Բ կաթողիկոսի թյուր ընթացքը»։
