19.05.2026 | 09:37
Երևանի շուրջ 15 հասցեներում խուզարկություններ են իրականացվում․ ՆԳՆ
Պուտինը Ուկրաինայի զինված ուժերից պահանջել է «լքել զբաղեցրած տարածքները»
Քաղաքականություն
27.11.2025 | 23:14
Մարտական գործողությունները կդադարեն, երբ ուկրաինական զորքերը դուրս գան իրենց դիրքերից։ Այս մասին հայտարարել է ՌԴ նախագահ Վլադիմիր Պուտինը։
«Մենք դեռևս ստանում ենք ռազմական գործողությունների դադարեցման կոչեր։ Երբ ուկրաինական զորքերը դուրս գան իրենց կողմից զբաղեցրած տարածքներից, այդ ժամանակ կդադարեն մարտերը։ Եթե նրանք չհեռանան, մենք դրան կհասնենք զենքի ուժով»,- հայտարարել է նա։
Պուտինն ասել է, որ ԱՄՆ պատվիրակությունը հաջորդ շաբաթ կժամանի Մոսկվա՝ Դոնալդ Թրամփի խաղաղության ծրագրի շուրջ բանակցությունների համար։
«Մենք նրանց սպասում ենք հաջորդ շաբաթվա առաջին կեսին»,- ասել է նա։
Խոսելով Թրամփի ծրագրի մասին՝ Պուտինը շեշտել է, որ դեռևս չկա խաղաղության պայմանագրի որևէ նախագիծ․ «Եղել է մի շարք հարցերի առաջարկ, որոնք առաջարկվել է քննարկել»։
Ըստ Պուտինի`Ժնևում ԱՄՆ-ի և Ուկրաինայի պատվիրակությունների միջև բանակցություններից հետո որոշվել է Թրամփի խաղաղության ծրագրի 28 կետերը բաժանել չորս մասի։
Ռուսաստանը ընդհանուր առմամբ համաձայն է, որ ծրագրի կետերի ցանկը կարող է հիմք հանդիսանալ ռուս-ուկրաինական պատերազմի ավարտի ապագա համաձայնագրերի համար։
«Ամեն ինչ պետք է ձևակերպվի դիվանագիտական լեզվով»,- նշել է Պուտինը։
Նա ասել է, որ Ռուսաստանի արտաքին գործերի նախարարությունը, ինչպես նաև նախագահի խորհրդական և օգնական Վլադիմիր Մեդինսկին և Յուրի Ուշակովը մասնակցում են բանակցություններին։ Դոնալդ Թրամփը կորոշի, թե ամերիկյան կողմից ով կմասնակցի։
Թարգմանությունը՝ Էմմա Չոբանյանի
