30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Կարծրատիպերի ստվերում․ ինչու կանայք լիարժեք ներգրավված չեն պաշտպանության և անվտանգության համակարգում. ՏԵՍԱՆՅՈՒԹ
Քաղաքականություն
27.11.2025 | 19:17
Ինչ խոչընդոտների են բախվում կանայք Հայաստանի զինված ուժերում ծառայելիս, ինչու են կարծրատիպերը շարունակում խանգարել նրանց ներգրավվածությանը պաշտպանության և անվտանգության համակարգերում։ Այս խնդիրները քննարկելու նպատակով ՄԻՊ գրասենյակը Վրաստանում ՆԱՏՕ-ի կապի գրասենյակի և «ՄԱԿ-Կանայք» կառույցի հետ համատեղ բարձր մակարդակի համաժողով է կազմակերպել Հայաստանում։
Մարդու իրավունքների պաշտպան Անահիտ Մանասյանը խոսքով՝ կարևոր է, որպեսզի կանայք դերակատարություն ունենան հենց որոշումների ընդունման գործընթացում:
Վրաստանում ՆԱՏՕ-ի Կապի գրասենյակի ղեկավար Ալեքսանդր Վիննիկովը ևս Հայաստանում է։ Նա համակարգում է նաև Հայաստանի և Ադրբեջանի գրասենյակների գործունեությունը։ Վիննիկովի խոսքով՝ Հայաստանում նման համաժողովի կազմակերպումը ճիշտ ժամանակին է, քանի որ այս տարի նշվում է ՄԱԿ-ի՝ «Կանայք, խաղաղություն և անվտանգություն» բանաձևի 25-ամյակը։
Այսօրվա աշխարհաքաղաքական իրավիճակում շատ կարևոր է, որպեսզի կանայք ամբողջությամբ ներգրավված լինեն խաղաղության, անվտանգության և ապահովության հարցերում՝ ասում է առաջին անգամ Հայաստան այցելած ՆԱՏՕ-ի գլխավոր քարտուղարի կանանց, խաղաղության և անվտանգության հարցերով հատուկ ներկայացուցիչ Իռեն Ֆելինը։
Հայաստանի համար ռազմավարական անհրաժեշտություն է կանանց ներգրավումն անվտանգության համակարգում, մասնավորապես, զինված ուժերում՝ ընդգծում է Անվտանգության խորհրդի քարտուղար Արմեն Գրիգորյանը։ Նրա խոսքով՝ կանանց դերակատարումն անվտանգության ամբողջ համակարգում ամրապնդում է երկարաժամկետ խաղաղության հիմքերը։
Արդեն երկու տարի է, ինչ Հայաստանում 18-27 տարեկան կանայք կամավոր հիմունքներով կարող են զինվորական ծառայության անցնել։ Ծառայությունը վեցամսյա է, հաջողությամբ ավարտելու դեպքում կանայք 1 մլն դրամ պատվո վճար են ստանում։
Մանրամասները՝ տեսանյութում։
Անի Թամրազյան
