29.06.2026 | 15:56
Դնեպրին ռուսական հարվածի հետևանքով 5 մարդ զոհվել է, 21-ը՝ վիրավորվել
Աշխարհի գավաթակիր Սինդարովը գերազանցել է Լևոն Արոնյանի ռեկորդը
27.11.2025 | 13:05
Ուզբեկ գրոսմայստեր Ջավոխիր Սինդարովը, դառնալով Հնդկաստանում ավարտված ՖԻԴԵ-ի շախմատի աշխարհի գավաթի խաղարկության հաղթող, սահմանել է տարիքային ռեկորդ, հաղորդում է ՖԻԴԵ-ի մամուլի ծառայությունը։
19-ամյա Սինդարովը դարձել է աշխարհի գավաթի ամենաերիտասարդ հաղթողը պատմության մեջ՝ գերազանցելով Լևոն Արոնյանի ռեկորդը։
Հայաստանի հավաքականի նախկին առաջատար, այժմ ԱՄՆ-ը ներկայացնող Արոնյանը 2005 թվականին աշխարհի գավաթակիր դարձել էր 23 տարեկանում։ ՖԻԴԵ-ի աշխարհի գավաթի խաղարկությունն անցկացվում է 2000 թվականից։
Հայաստանի ներկայացուցիչներից աշխարհի գավաթին մասնակցել էին Գաբրիել Սարգսյանը, Շանթ Սարգսյանը, Ռոբերտ Հովհաննիսյանը և Կարեն Գրիգորյանը։ Լավագույն արդյունքը գրանցել էր Գաբրիել Սարգսյանը, որը Լևոն Արոնյանի պես հասել էր մինչև 1/8 եզրափակիչ։
Մրցաշարն անցկացվում էր նոկաուտ ձևաչափով: Յուրաքանչյուր փուլում մասնակիցները խաղում էին 2 դասական պարտիա: Եթե գրանցվում էր 1:1 հաշիվը, հաղթողը որոշվում էր արագ և կայծակնային շախմատի թայ-բրեյքում:
