12.01.2026 | 10:45
Գուցե հրաժարվենք. չի կարող մանկապարտեզի նախագծման պրոցեսը տարիներ տևել. Ավինյան․ ՏԵՍԱՆՅՈՒԹ
Ղրղզստանի ներկայացուցիչն ընտրվել է ՀԱՊԿ նոր գլխավոր քարտուղար
Քաղաքականություն
27.11.2025 | 12:59
Հավաքական անվտանգության պայմանագրի կազմակերպության (ՀԱՊԿ) նոր գլխավոր քարտուղար է ընտրվել Թաալաթբեկ Մասադիկովը։ Այս մասին հայտարարել է կազմակերպության գործող գլխավոր քարտուղար Իմանգալի Տասմագամբետովը, գրում է Ինտերֆաքսը։
Ղրղզստանը ներկայացնող Մասադիկովը պաշտոնը կստանձնի 2026 թվականի հունվարի 1-ին։ Թաալաթբեկ Մասադիկովը միջազգային հարաբերությունների փորձագետ է, ՀԱՊԿ գլխավոր քարտուղարի տեղակալ է նշանակվել 2024 թվականի հունվարին։
Միաժամանակ, Ռուսաստանը ստանձնել է ՀԱՊԿ-ի նախագահությունը, հայտարարել է Ղրղզստանի նախագահ Սադիր Ժապարովը։
«Ընդունված ընթացակարգի համաձայն՝ կազմակերպության նախագահությունը կանցնի Ռուսաստանի Դաշնությանը»,- հայտարարել է Ժապարովը ՀԱՊԿ գագաթնաժողովում։
Հավաքական անվտանգության խորհրդի նիստում ՀԱՊԿ պետությունների ղեկավարները որոշել են խորհրդի հաջորդ նիստն անցկացնել 2026 թվականի նոյեմբերի 11-ին Ռուսաստանում։
ՀԱՊԿ գլխավոր քարտուղար Իմանգալի Տասմագամբետովի առաջարկությամբ՝ կազմակերպության անդամ պետությունների ղեկավարներն առանց քննարկման ընդունել են ՀԱՊԿ անդամ պետությունների ԱԳ նախարարների խորհրդի, պաշտպանության նախարարների խորհրդի և Անվտանգության խորհրդի քարտուղարների կոմիտեի համատեղ նիստից հետո ստորագրված փաստաթղթերը։
Հիշեցնենք, որ Հայաստանը ՀԱՊԿ գագաթնաժողովին չի մասնակցում։
Թարգմանությունը՝ Էմմա Չոբանյանի
