29.06.2026 | 17:50
Պուտինի հետ հանդիպում պահանջած և ապստամբությամբ սպառնացող զինվորականը կալանավորվել է
Կրեմլից հաստատում են՝ ՌԴ հատուկ ծառայություններն ԱՄԷ-ում հանդիպել են ԱՄՆ-ի և Ուկրաինայի ներկայացուցիչների հետ
Քաղաքականություն
26.11.2025 | 16:04
ԱՄՆ-ի նոր ներկայացուցիչը, որը զբաղվում է Ուկրաինայի հարցերով, ԱՄԷ-ում հանդիպել է Կիևի ներկայացուցիչների հետ, հավանաբար՝ ըստ ծրագրվածի, ինչպես նաև Մոսկվայի ներկայացուցիչների հետ՝ բավականին անսպասելիորեն։ Այս մասին հայտնել է ՌԴ նախագահի օգնական Յուրի Ուշակովը, նշում է ՏԱՍՍ-ը։
Նա նշել է, որ Ռուսաստանի և Ուկրաինայի հատուկ ծառայությունները պարբերաբար հանդիպում են ԱՄԷ-ում՝ քննարկելու զգայուն հարցեր։
«Հանդիպման ժամանակ նաև հայտնվել է ԱՄՆ նոր ներկայացուցիչը, որն այժմ աշխատում է ուկրաինական թղթապանակի վրա։ Նա այնտեղ ևս հայտնվել է և հանդիպում ունեցել, ինչպես ես հասկանում եմ՝ ուկրաինացիների հետ։ Սա, հավանաբար, նախապես պայմանավորված էր։ Նա նաև հանդիպել է մեր ներկայացուցիչների հետ՝ բոլորովին անսպասելիորեն»,- ասել է Ուշակովը։
Հարցին՝ արդյո՞ք հանդիպմանը ռուսական կողմը ներկայացրել է ՌԴ արտաքին հետախուզության ծառայության տնօրեն Սերգեյ Նարիշկինը, Ուշակովը պատասխանել է․ «Ո՛չ, մեր կողմից Նարիշկինը չէր»։
Նրա խոսքով՝ խոսքը համապատասխան ավելի ցածր մակարդակի ծառայությունների ներկայացուցիչների մասին է, որոնք զբաղվում են զգայուն գործնական հարցերով։
Հիշեցնենք՝ ավելի վաղ լրատվամիջոցները հայտնել էին, որ Աբու Դաբիում կայացել են են ԱՄՆ-ի, Ռուսաստանի և Ուկրաինայի մասնակցությամբ բանակցություններ։
Թարգմանությունը՝ Էմմա Չոբանյանի
