28.04.2026 | 09:52
Դատախազությունում տեղի են ունեցել կադրային փոփոխություններ
Աբու Դաբիում ընթանում են ԱՄՆ-ի, Ռուսաստանի և Ուկրաինայի մասնակցությամբ բանակցությունները
Քաղաքականություն
25.11.2025 | 19:33
Ուկրաինական պատվիրակությունը նույնպես ներկա է Աբու Դաբիում, որտեղ ավելի վաղ հաղորդվել էր, որ տեղի են ունենում ԱՄՆ-Ռուսաստան բանակցություններ, հաղորդում է Axios-ը՝ հղում անելով աղբյուրներին, փոխանցում է Meduza-ն։
Նշվում է, որ ուկրաինական թիմը գլխավորում է Ուկրաինայի պաշտպանության նախարարության գլխավոր հետախուզական վարչության պետ Կիրիլ Բուդանովը։
Ուկրաինացիները «բանակցություններ են վարում ամերիկյան և ռուսական պատվիրակությունների հետ», հաղորդում է Axios-ը՝ չնշելով, թե արդյոք հանդիպումները անցկացվում են եռակողմ ձևաչափով, թե՞ ԱՄՆ-ն առանձին-առանձին բանակցություններ է վարում յուրաքանչյուր կողմի հետ։
Axios-ը նաև նշում է, որ սկզբնապես Աբու Դաբիում Ռուսաստանի և Ուկրաինայի հետախուզական ծառայությունների միջև բանակցություններ էին նախատեսված «այլ թեմայով» (հավանաբար՝ ոչ ուղղակիորեն կապված խաղաղության կարգավորման հետ), սակայն ԱՄՆ նախագահի հատուկ բանագնաց Դեն Դրիսկոլի անսպասելի ժամանումը փոխել է իրավիճակը։
Դրիսկոլի մամուլի ծառայությունը հայտնել է, որ ամերիկացիների և ռուսների միջև բանակցությունները «լավ են ընթանում», և Միացյալ Նահանգները «շարունակում է լավատեսորեն տրամադրված լինել»։
Ավելի վաղ հաղորդվել էր, որ ԱՄՆ բանակի նախարար Դեն Դրիսկոլն Աբու Դաբիում է՝ ռուս պաշտոնյաների հետ հանդիպումների համար։
Թարգմանությունը` Էմմա Չոբանյանի
