06.04.2026 | 13:03
Հայտնի են ըմբշամարտի Հայաստանի հավաքականների կազմերը ԵԱ-ում
ԱՄՆ-ի և ՌԴ-ի ներկայացուցիչները բանակցություններ են անցկացրել Աբու Դաբիում
Քաղաքականություն
25.11.2025 | 11:35
ԱՄՆ բանակի նախարար Դեն Դրիսկոլն Աբու Դաբիում է՝ ռուս պաշտոնյաների հետ հանդիպումների համար։ Այս մասին CBS News-ին հայտնել են երկու ամերիկացի պաշտոնյաներ և դիվանագիտական աղբյուրներ: Financial Times-ը նույնպես հաղորդել է, որ ԱՄՆ-ը բանակցություններ է վարում Ռուսաստանի հետ ԱՄԷ-ում, փոխանցում է BBC-ի ռուսական ծառայությունը։
«ԱՄՆ բանակի նախարար Դրիսկոլը երկուշաբթի երեկոյան Աբու Դաբիում մի քանի ժամ հանդիպում է անցկացրել ռուսական պատվիրակության անդամների հետ: Նա նախատեսում է կրկին հանդիպել նրանց հետ (երեքշաբթի) օրվա ընթացքում՝ խաղաղության գործընթացը քննարկելու և խաղաղ բանակցություններն առաջ մղելու համար»,- CBS News-ին ասել է ամերիկացի պաշտոնյան։
Դեռևս հայտնի չէ, թե ովքեր են ամերիկյան պատվիրակության կազմում։
Կիրակի Դրիսկոլը, ԱՄՆ պետքարտուղար Մարկո Ռուբիոն, նախագահի հատուկ ներկայացուցիչ Սթիվ Ուիթկոֆը և Թրամփի փեսան՝ Ջարեդ Քուշները, Ժնևում բանակցություններ էին անցկացրել Ուկրաինայի և նրա եվրոպացի դաշնակիցների պատվիրակությունների հետ։ Մինչ այդ, ԱՄՆ բանակի նախարարն այցելել էր Կիև։
Նոյեմբերին ԱՄՆ նախագահ Դոնալդ Թրամփի վարչակազմն ակտիվացրել է ջանքերը՝ Ուկրաինայում պատերազմը դադարեցնելու իր ծրագիրն առաջ մղելու համար: Կիևի հետ շփումներից հետո ենթադրվում էր, որ Վաշինգտոնը բանակցություններ կվարի Ռուսաստանի ներկայացուցիչների հետ:
Թարգմանությունը՝ Էմմա Չոբանյանի
