19.08.2026 | 14:05
Լարված խոսակցություն Արման Եղոյանի և Ռուբեն Մխիթարյանի միջև
Դիմադրության ճակատ պետք է ձևավորվի․ հաջորդ շաբաթվանից սկսում ենք խորհրդակցությունները. Սաղաթելյան․ ՏԵՍԱՆՅՈՒԹ
Քաղաքականություն
26.11.2025 | 12:41
«Մենք այս քննարկմանը հրավիրել էինք նաև գլխավոր դատախազին, ով մեկ շաբաթ առաջ այս դահլիճում ուժային կառույցների մյուս ներկայացուցիչների հետ 2008-ի մարտի 1-ի ողբերգական դեպքերը հերթական անգամ քաղաքականապես շահարկելու և ներկայացման նիստին էր մասնակցում, բայց պետք է արձանագրենք, որ այսօր խուսափեց ներկա գտնվել այս քննարկմանը՝ մեկ պարզ պատճառով՝ չունենալով զեկույցում տեղ գտած փաստերի նկատմամբ հակափաստարկներ և նաև չունենալով պատասխաններ մի շարք ապօրինությունների, որոնք իրականացվում են շատ հաճախ կամ դատախազության անմիջական նախաձեռնությամբ, կամ դատախազության մասնակցությամբ»,-այս մասին ԱԺ-ում «Հայաստան» խմբակցության հրավիրած խորհրդարանական լսումների ժամանակ հայտարարեց պատգամավոր Իշխան Սաղաթելյանը։
Նրա խոսքով՝ այս քննարկմանը հրավիրել են նաև Հայաստանում հավատարմագրված դեսպանություններին, միջազգային կազմակերպություններին․ «Նրանցից շատերը նախընտրեցին ներկա չլինել այս դահլիճում և չլսել ու մոտիկից չծանոթանալ Հայաստանում ժողովրդավարության իրական վիճակին»։
Սաղաթելյանի խոսքով՝ պետք է դիմադրության ճակատ ձևավորվի, որպեսզի կարողանան «ՀՀ-ում սահմանադրական կարգը վերականգնեն»։
«Մենք հավատում ենք, որ մեր երկրի ընդդիմադիր դաշտի ազգային-պետական մտածողություն ունեցող հասարակական-քաղաքական շրջանակները կունենան այդ գիտակցությունը, մենք կկարողանանք միասին ձևավորել այդ դիմադրության ճակատը՝ Հայաստանի Հանրապետության ազգային շահերը պաշտպանելու և այս չարիքի իշխանության վերարտադրությունը կանխելու համար։ Ես հայտարարում եմ, որ մենք հաջորդ շաբաթվանից Հայաստանի բոլոր ընդդիմադիր դերակատար ուժերի հետ սկսելու ենք այս խորհրդակցությունները և կարողանալու ենք այդ ամբողջական կոնսոլիդացիան, առնվազն իմ վերը նշած օրակարգային հարցերի շուրջ, ունենալ»,-նշեց նա։
Մանրամասները՝ տեսանյութում։
